《赤崁樓ê情phoe》

| | | 轉寄

Hòngtáⁿ Bûnchiong Piàⁿmiā Chiú ──Siōng Iâmhūn tētài bûngē iâⁿ



Tng hongchhia thâu kôankôan pháng khí
Chi̍t ki Iâmhūn tētài bûngē kî
Thêngthêng tèng lo̍h lâm Khunsin biōtiâⁿ
Bē iô bē khi hiòng kàigiâm chhiàng siaⁿ

Múi chi̍t nî ji̍tthâu hó͘ chhut lông
Chi̍t kûn bûnha̍k lênghûn thiàutōng
Kengkah sio phēng chhiúpôaⁿ sio tha̍h
Ká khí kúnkún hôchêng
Iâmchhân chò chóa
Háihong chò pit
Ôliâu tàu phòe sek
Kiâmkiâm ê ba̍kchúi ùn khókhó ê táⁿchiap
Koàn pá Tâioân ê hengkhám

Saⁿ cha̍p nî hongchhia thâu pháng bô thêng
Phah sí bô thè ê bīnchhiuⁿ
Kek chhut chi̍t àng tînnî ê hòngtáⁿ bûnchiong piàⁿmiā chiú

Chù:"Hòngtáⁿ bûnchiong piàⁿmiā chiú" chi̍t ê sû, ín’iōng Iâmhūn tētài Tâigí sijîn N̂g Kēngliâm chiânpòe ê Tâigí sànbûn phianmiâ.