《《原鄉．夜合》 客語詩集》

 | | | 轉寄

Tē-47-chiuⁿ,Iâ-so͘ hoah hong kap hái

作者 Ko Kim-seng. 2009.03.01

listen

(Má-thài 8:18-27; Má-khó 4:35-41;Lō͘-ka 8:22-25).
Beh àm ê sî Iâ-so͘ kà-sī bêng-pe̍k，kā ha̍k-seng kóng，"Tio̍h lo̍h chûn saⁿ-kap kè hit pêng hōaⁿ.
"Kiâⁿ bô jōa hn̄g，hut-jiân khí tōa hong，hit ê hong put-chí thàu，éng chin tōa，chûn chha-put-to beh tîm-lo̍h-khì，ha̍k-seng chin kiaⁿ.Iâ-so͘ tī chûn-bé teh khùn，ha̍k-seng kiò I chhíⁿ，kóng，"Sian-siⁿ bô beh chàiu-kò͘ goán mah？beh bia̍t-bô lah. "Iâ-so͘ khí-lâi hoah hong，kā kái kóng，"Tio̍h chēng-chēng. "Hong liâm-piⁿ soah，tōa pêng-chēng.Iâ-so͘ chiū kā ha̍k-seng kóng，" Siáⁿ-sū kiaⁿ kàu án-ni？Cháiⁿ-iūⁿ m̄-sìn？
"Chèng-lâng put-chí kiaⁿ，saⁿ-kap kóng，"Chit ê sím-mi̍h hō ê lâng？Hong kap hái ia̍h sūn I. " Ōe hoah hong kap hái hō͘ i thàn，chí-ū sī Siōng-tè nā-tiāⁿ.Iâ-so͘ án-ni chòe sī hián-bêng ka-kī sī Siōng-tè.

Che sī hō͘ lán thang chai，lán tú-tio̍h gûi-hiám ê sî，nā Iâ-so͘ kap lán tī-teh chin ún-tàng，lóng m̄-sái kiaⁿ.