《耶穌言行錄》

| | | 轉寄

Tē-18-chiuⁿ,Iâ-so͘ chéng-tùn Sèng-tiān

listen


(Iok-hān 2:12-17)
Iâ-so͘ tùi Ka-ná khì Ka-pek-lông,koh bô kúi ji̍t chiūⁿ Iâ-lō͘-sat-léng beh siú Pôaⁿ-kè choeh,ji̍p tiān khòaⁿ-kìⁿ lâng bōe gû,iûⁿ,chíⁿ-á,ia̍h ū lâng the ōaⁿ gûn.Iâ-so͘ ēng soh-á chòe piⁿ kóaⁿ cheng-siⁿ,gû,iûⁿ chhut tiān,chhia-tó ōaⁿ gûn ê lâng ê toh,koh kā bōe chíⁿ-á ê lâng kóng,"Chiah ê mi̍h tio̍h the̍h-khì,m̄-thang chiong góa ê Pē ê chhù chòe bóe-bōe ê chhù. "Lūn tiān,chá Só͘-lô-bûn khí put-chí súi,hō͘ Nî-pò͘-kah-nî-sat ê peng sio húi-hoāi.Chit keng sī peh-sìⁿ tùi Pa-pí-lûn tò-ali5 chiah koh khì ê,chóng-sī bô hiah súi,ia̍h ū sit-lo̍h kúi-nā hāng pó-pòe ê mi̍h,kàu Hi-lu̍t ông ê chhiú koh siu-chéng khah tōa,ia̍h ke̍k súi,*ke̍k chhòng.Iû-thài lâng khòaⁿ tio̍h,ta̍k ê chin hoaⁿ-hí o-ló.Sui-jiân án-ni,tī tiān-lāi ho̍k-sāi Siōng-tè ê khoán-sit chōe-chōe hāng m̄-tio̍h,só͘-í hō͘ Iâ-so͘ siū-khì.Taⁿ lán ji̍p lé-pài-tn̂g sui-jiân bô bóe-bōe ê tāi-chì,iáu-kú bô choan-sim tì-ì thiaⁿ tō-lí,ū siūⁿ chòe kang,chòe seng-lí,pa̍t hāng sai-khia ê tāi-chì,che lóng sī chhin-chhiūⁿ hit sî Iû-thài lâng tī tuān-lāi the chòe bóe-bōe chi̍t-iūⁿ,Iâ-so͘ tek-khak m̄ hoaⁿ-hí;só͘-í lán tī lé-pài-tn̂g tio̍h ēng choan-sim thiaⁿ tō-lí,kiû Siōng-tè siúⁿ-sù Sèng Sîn kám-hòa,hō͘ lán ê sim ōe siu-khǹg tō-lí,tit-tio̍h tōa ê lī-ek,bián hō͘ Siōng-tè siū-khì.

思羅安台語點字網站