《台語荒漠甘泉（漢羅版）》

 | | | 轉寄

人teh做，天teh chhiâu

作者 陳清俊 譯 林俊育 漢羅翻寫 2011.04.17

listen 四月十七(四月十七日)

「Tī chiah-ê 一切(it-chhè)，chī-chūi m̄ 知(chai) 是(sī) 耶和華(iâ-hô-hoa) ê 手(chhiú) 做(chòe) án-ni?」(約伯(iok-pek) 記(kì) 12:9)

幾(kúi) nā 年(nî) 前(chêng)，世界(sè-kài) siōng 大(tōa) siōng-súi ê 鑽石(sōan-chio̍h) tī 非洲(hui-chiu) 發見(hoat-kiàn) 了後(liáu-āu)，將(chiong) 這(che) 送(sàng) hō͘ 英國(eng-kok) 國王(kok-ông)。伊(i) 想(siūⁿ) beh 鑲(siuⁿ) tī 王帽(ông-bō) 頂(téng)。將(chiong) 鑽石(sōan-chio̍h) the̍h 去(khì) tī 荷蘭(hô-lân)，由(iû) 專家(choan-ka) 來(lâi) 切切(chhiat-chhiat)。你(lí) 想(siūⁿ) chit-ê 專家(choan-ka) 會(ōe) án 怎(chóaⁿ) 做(chòe)？

伊(i) the̍h chit 粒(lia̍p) 價值(kè-ta̍t) 連城(liân-siâⁿ) ê 鑽石(sōan-chio̍h)，tī 頂面(téng-bīn) 畫(ōe) 一(chi̍t) 痕(hûn)，用(ēng) 鎚(thûi) á kā 伊(i) kòng 一下(chi̍t-ē)。Chit 粒(lia̍p) 鑽石(sōan-chio̍h) tī 伊(i) ê 手中(chhiú-tiong) pit 做(chòe) 兩(nn̄g) pêng。真正(chin-chiàⁿ) 是(sī) 猴腳(kâu-kha) 猴手(kâu-chhiú) ah！真(chin) 浪費(lōng-hùi) ah！Chiah-ni̍h 隨便(sûi-piān) 做(chòe)，真(chin) 不應該(put-eng-kai) ho͘h！

實際上(si̍t-chè-siōng) m̄ 是(sī) án-ni，你(lí) kiám 知(chai)，beh 將(chiong) hit 粒(lia̍p) 石(chio̍h) kòng 一下(chi̍t-ē)，是(sī) 經過(keng-kòe) 真(chin) chōe 日(ji̍t)，真(chin) chōe 時(sî) ê 研究(gián-kiù) kap 規畫(kui-ōe) chiah án-ni 做(chòe)。伊(i) ê 美質(bí-chit)，伊(i) ê 瑕疵(hâ-chhû)，伊(i) ê 可能(khó-lêng) pit ê 所在(só͘-chāi)，lóng 研究(gián-kiù) kah 真(chin) 詳細(siông-sè)，而且(jî-chhiáⁿ) 負責(hū-chek) 切切(chhiat-chhiat) 割(koah) ê 人(lâng) 是(sī) 世界(sè-kài) siōng-gâu ê 寶石(pó-chio̍h) 師傅(sai-hū)。

你(lí) 想(siūⁿ) kòng hit-ê 是(sī) 錯誤(chhò-ngō͘) ê mah？M̄ 是(sī)，反(hóan) tńg 是(sī) hit-ê 師傅(sai-hū) 本領(pún-léng) ê 表現(piáu-hiān)。Kòng chit 下(ē)，顯露(hián-lō͘) 出(chhut) siōng 完美(ôan-bí) ê 形狀(hêng-chōng)，光亮(kng-liāng)、高貴(ko-kùi) ê 狀態(chōng-thài)。Kòng chit 下(ē)，ná 親像(chhin-chhiūⁿ) 會(ōe) 毀壞(húi-hōai) hit 粒(lia̍p) 鑽石(sōan-chio̍h)，其實(kî-si̍t) 是(sī) hō͘ 伊(i) 得(tit) tio̍h 完美(ôan-bí) ê 新生(sin-seng)，變做(pìⁿ-chòe) 兩(nn̄g) 粒(lia̍p) 極(ke̍k) súi 無比(bû-pí) ê 寶石(pó-chio̍h)。Tùi 石礦(chio̍h-khòng) 所(só͘) 挖(ó͘) 出來(chhut-lâi)，外表(gōa-piáu) 粗粗(chho͘-chho͘)，niau-niau ê 一(chi̍t) 粒(lia̍p)，會(ōe) 變做(pìⁿ-chòe) 兩(nn̄g) 粒(lia̍p) 精美(cheng-bí) ê 寶石(pó-chio̍h)，有(ū) 經驗(keng-giām) ê 大(tōa) 師傅(sai-hū) ê 眼光(gán-kong)，chiah 看(khòaⁿ) 會(ōe) 出來(chhut-lâi)。

有(ū) 一日(chi̍t-ji̍t)，你(lí) beh 成做(chiâⁿ-chòe) 是(sī) 裝飾(chng-thāⁿ) tī 王冠(ông-koan) ê 寶石(pó-chio̍h)。你(lí) 現在(hiān-chāi) tī 主(chú) ê 手中(chhiú-tiong)，伊(i) 知(chai) án 怎(chóaⁿ) 處理(chhú-lí) 你(lí)。除了(tû-liáu) 上帝(siōng-tè) ê 大(tōa) 疼痛(thiàⁿ-thàng) 所(só͘) 許可(hí-khó)，bōe hō͘ 任何(jīm-hô)「kòng 一下(chi̍t-ē)」落(lo̍h) tī 你(lí) 憂傷(iu-siong) ê 靈(lêng) 頂面(téng-bīn)。你(lí) thang 安心(an-sim)，tùi 你(lí) ê 經歷(keng-le̍k) 會(ōe) thang 看(khòaⁿ) tio̍h 言語(giân-gí) 所(só͘) bōe-tàng 表達(piáu-ta̍t) ê 祝福(chiok-hok)，心靈(sim-lêng) bōe-tàng 想像(sióng-siōng) ê 富足(hù-chiok)。---J. H. M.

英國(eng-kok) 宗教(chong-kàu) 小說家(sió-soat-ka) George MacDonald ê 冊(chheh) 有(ū) án-ni 講(kóng)：「我(góa) 奇怪(kî-kòai) 上帝(siōng-tè) 為甚麼(ūi-sím-mi̍h) 創造(chhòng-chō) 我(góa)！」另外(lēng-gōa) 一(chi̍t) 人(lâng) 回答(hôe-tap) 講(kóng)：「可能(khó-lêng) 你(lí) iáu 看(khòaⁿ) bōe 出(chhut) 甚麼(sím-mi̍h) 目的(bo̍k-tek)，伊(i) iáu-bōe kā 你(lí) 創造(chhòng-chō) 完成(ôan-sêng)，你(lí) m̄ 知(chai) ê，是(sī) hit-ê 過程(kè-thêng)。」

人(lâng) 若(nā) 會(ōe) 相信(siong-sìn) in iáu teh 創造(chhòng-chō) 過程(kè-thêng) 中(tiong)，將(chiong) 家己(ka-kī) 交託(kau-thok) hō͘ 創造者(chhòng-chō-chiá)(就是(chiū-sī) 上帝(siōng-tè))去(khì) 處理(chhú-lí)。伊(i) 照(chiàu) 伊(i) ê 高超(ko-chhiau) ê 計劃(kè-ōe)，親像(chhin-chhiūⁿ) 做(chòe) 磁(hûi) ê 師傅(sai-hū) 處理(chhú-lí) 磁土(hûi-thô͘) 一樣(chi̍t-iūⁿ)。In 真(chin) 緊(kín) 就(chiū) 知(chai)，伊(i) ê 手(chhiú)，捏(ni̍h) koh 壓(ap)，雖然(sui-jiân) 會(ōe) 痛(thiàⁿ)，lóng 是(sī) 對(tùi) in 有(?) 利益(lī-ek)，thang 接受(chiap-siū)。有時(ū-sî)，in m̄-nā 應該(eng-kai) 相信(siong-sìn)，也(iā) 應該(eng-kai) 注意(chù-ì) 上帝(siōng-tè) ê 旨意(chí-ì)：「beh chhōa 真(chin) chōe kiáⁿ 兒(jî) 進入(chìn-ji̍p) 榮耀(êng-iāu) ê 內面(lāi-bīn)。」(希伯來(hi-pek-lâi) 2:10)

無(bô) 一項(chi̍t-hāng) 打擊(tá-kek) 會(ōe) 成(chiâⁿ)，
若(nā) m̄ 是(sī) 上帝(siōng-tè) ê 疼(thiàⁿ)。


附註:《荒漠甘泉》漢羅版kap "Hong-bô͘ Kam-chôaⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:book@pctpress.org