《耶穌言行錄》

Tē-8-chiuⁿ,Se-bīan，A-ná

作者 Ko Kim-seng.

listen


（Lō͘-ka 2：25-38）
Îa-so͘ chhut-sì tē poeh ji̍t sīu kat-lé，chiah hō mîa kìo Îa-so͘，ì-sù sī Kìu-sè-chú.Móa-ge̍h líau，pē-bu2pho7 Îa-so͘ khì Îa-lō͘-sat-léng.Tī tīan-nih chìau Mô͘-se ê lu̍t-lē hìan lé-mi̍h.Îa-lō͘-sat-léng ū chi̍t ê chin lāu ê lâng mîa kìo Se-bīan.I tit-ti̍oh Sèng Sîn be̍k-sī，kā i kóng，íau-bōe kàu sí tek-khak ōe khòa-kìⁿ Chú ê Ki-tok.

Hit-sî hō͘ Sèng Sîn kám-tōng ji̍p tīan，tú-á Îa-so͘ ê pē-bú phō I ji̍p-lâi beh chìau lu̍t-le lâi kîaⁿ.Se-bīan ēng chhíu lâi chih Eⁿ-á，o-ló Sīong-tè kóng，"Taⁿ Chú ah，chìau lí só͘ kóng，thang páng lí ê lô͘-po̍k pêng-an kè-sì，in-ūi góa tit-ti̍oh chhin-ba̍k khòa-kìⁿ Kìu-chú. "

Iok-sek kap Îa-so͘ ê lāu-bú kî-kòai i ê ōe.Se-bīan kā in chiok-hok.Koh ū chi̍t ê lāu hū-jîn-lâng tī tīan-lāi，mîa A-ná，sī sian-ti lâng，poeh-cha̍p-sì nî chòe chíu-kóaⁿ，lóng bô lī-khui tīan-nih，sī ēng kìm-chi̍ah kî-tó，mî-ji̍t ho̍k-sāi，Sīong-tè khóan-thāi i chin-chhīuⁿ Se-bīan，bē kè-óng ê di5 hō͘ i kìⁿ-ti̍oh Îa-so͘.Kìⁿ-ti̍oh ê sî，i ê sim tōa hoaⁿ-hí，kám-sīa Sīong-tè，lîam-piⁿ ēng chit ê tāi-chì lâi chí-sī Îa-lō͘-sat-léng hiah ê him-bō͘ Chú lâi si̍ok-hôe ê lâng.

思羅安台語點字網站