《耶穌言行錄》

Tē-20-chiuⁿ,Iok-hān koaiⁿ-kaⁿ

作者 Ko Kim-seng.

listen


（Má-thài 14：1-5；Má-khó 6：17，18；Lō͘-ka 3：19，20）
Bô jōa ku2kiann5 sóe-lé ê Iok-hān hō͘ Hi-lu̍t li̍ah khì koaiⁿ-kaⁿ.Chit ê Hi-lu̍t sī kóan Ka-lī-lī ê jîn-kun.Má-khó kio i chòe ông；Má-thài，Lō͘-ka kio I chòe hun-hong ê kok-kun.Khòaⁿ gōa-chheh chīu chai i koh ū mia5kio3 An-thê-phàⁿ，koh ū hiaⁿ-tī cha̍p-só͘-lâng，tiong-kan Sèng-chheh ū koh kì-chài nn̄g lang ê mîa nā-tīaⁿ，chīu-sī A-li-ló kap Hui-le̍k. Chá hit ê thâi-sí Pek-lī-hêng ê eⁿ-á ê Hi-lu̍t sī in ê lāu-pē.Khó-sioh kíaⁿ chōe-chōe o̍h in ê lāu-pē ê pháiⁿ，chân-jím，koh lōan-lûn，chhin-chhīuⁿ Hui-le̍k chhōa ti̍t-lú mîa Sat-lô-bí chòe bó͘.Āu-lâi chi̍t-ê sío-tī An-thê-phàⁿ lî ka-kī ê hū-jîn-lâng，ín-íu hiaⁿ-só Hi-lo-tí pàng-sak tīong-hu，An-thê-phàⁿ chīu chiap-la̍p i chòe ka-kī ê bó͘.Chit ê tāi-chì hō͘ Iok-hān tōa-tōa chek-pī，ông-hō͘ nn̄g lâng tōa sīu-khì，li̍ah Iok-hān；Hi-lô-tí ài thâi i，Hi-lu̍t hit ti̍ap m̄-káⁿ，chīu lâu tī kaⁿ nih nā-tīaⁿ.

Che sī hō͘ lán chai lâng ê sim-sèng pháiⁿ，kiau-ngpu7，m̄ ài sīu lâng ê khó͘-khǹg chek-pī.Sîong-sîong khòaⁿ lâng kîaⁿ m̄-ti̍oh，hō͘ bo̍k-su á-sī hiaⁿ-tī lâi chek-pī，lîam-piⁿ bô hoaⁿ-hí，sīu-khì m̄ thiaⁿ i.Che lóng-sī m̄ ti̍oh，lan2lang5 eng-kai ti̍oh ū khiam-sùn ê sim，hoaⁿ-hí thiaⁿ lâng ê khó͘-khǹg，chhin-chhīuⁿ Só͘-lô-bûn kóng，"M̄-ti̍h kà-sī ê lâng，sī khòaⁿ-khin ka-kī ê sìⁿ-mīa；nā-sī thiaⁿ-siu khó͘-khǹg tek-khak tit-ti̍oh chhang-mîa. "

思羅安台語點字網站