《台語荒漠甘泉（漢羅版）》

 | | | 轉寄

安靜中ê聲音

作者 陳清俊 譯 林俊育 漢羅翻寫 2012.01.15

listen
正月十五(一月十五日)

「Hit 暝(mî) 耶和華(iâ-hô-hoa) 對(tùi) 伊(i)(以撒(í-sat))出現(chhut-hiān)。」(創世記(chhòng-sè-kì) 26:24)

上帝(siōng-tè) ǹg 以撒(í-sat) 顯現(hián-hiān) 也是(iā-sī) 伊(i) 去(khì) 別士巴(pia̍t-sī-pa) hit 一工(chi̍t-kang)，伊(i) ê 顯現(hián-hiān) 是(sī) 偶然(ngó͘-jiân) ê mah?你(lí) 相信(siong-sìn) 伊(i) 顯現(hián-hiān) ê 時間(sî-kan) 會(oē) 發生(hoat-seng) tī 任何(jīm-hô) 一(chi̍t) 暗(àm)，無(bô) 一定(it-tēng) 是(sī) hit 一(chi̍t) 暗(àm) mah?你(lí) 若(nā) án-ni 想(siūⁿ)，就(chiū) 錯(chhò) lah。為甚麼(ūi-sím-mi̍h) 上帝(siōng-tè) beh tī 伊(i) 到(kàu) 別士巴(pia̍t-sī-pa) ê hit 暗(àm) 顯現(hián-hiān)？以撒(í-sat) tī 舊(kū) ê 所在(só͘-chāi)，麻煩(mâ-hoân) ê 事(sū) 真(chin) chōe，為(ūi) tio̍h 無(bô) 真(chin) 重要(tiōng-iàu) ê 水井(chúi-chíⁿ)，kap 在地(chāi-tē) ê 牧羊人(bo̍k-iû-lâng) 相爭(saⁿ-chiⁿ)，常常(siông-siông) 相爭(saⁿ-chiⁿ)。衝突(chhiong-thu̍t) 雖然(sui-jiân) soah，伊(i) ê 心(sim) 猶原(iû-goân) 無(bô) 平安(pêng-an)。所以(só͘-í) 伊(i) 決定(koat-tēng) 離開(lī-khui) hia，去(khì) 一個(chi̍t-ê) 新(sin) ê 位(ūi)。Tī 新(sin) ê 所在(só͘-chāi)，定(tiāⁿ)tio̍h beh tòa落來(lo̍h-lâi)。Chit 暝(mî)，上帝(siōng-tè) ê 指示(chí-sī) 臨到(lîm-kàu) 伊(i)，上帝(siōng-tè) beh tī 伊(i) 心靈(sim-lêng) 安靜(an-chēng) 落來(lo̍h-lâi) ê 時(sî) ǹg 伊(i) 講話(kóng-oē)，無(bô) tī 伊(i) 操煩(chhau-hoân) ê 時(sî) 講(kóng)。一個(chi̍t-ê) 人(lâng) tī 心神(sim-sîn) 安靜(an-chēng) 落來(lo̍h-lâi) ê 時(sî)，chiah 會(oē) 聽(thiaⁿ) tio̍h 伊(i) ê 聲(siaⁿ)。以撒(í-sat) tī 心靈(sim-lêng) 安定(an-tēng) ê 時刻(sî-khek) 聽(thiaⁿ) tio̍h 上帝(siōng-tè) ê 聲(siaⁿ)，伊(i) ê 安靜(an-chēng) ê 暝(mî) 成做(chiâⁿ-choè) 伊(i) 得(tit)tio̍h 光(kng) 照(chiò) ê 暝(mî)。

我(goá) ê 靈(lêng) ah，你(lí) 有(ū) 想(siūⁿ) 過(kè) chit-ê 話(oē)：「Lín tio̍h 定定(tiāⁿ-tiāⁿ)，tio̍h 知(chai) 我(goá) 是(sī) 上帝(siōng-tè)；」(詩篇(si-phian) 46:10)心(sim) 煩(hoân) ê 時(sî) 聽(thiaⁿ) bōe tio̍h 上帝(siōng-tè) 回應(hoê-èng) 你(lí) ê 祈求(kî-kiû)。有(ū) jōa-chōe pái，你(lí) ê 回應(hoê-èng) lóng ài 等(tán) 真(chin) 久(kú) ah?你(lí) ê 心(sim) 聽(thiaⁿ) bōe tio̍h，當(tng) teh 大聲(toā-siaⁿ) 求叫(kiû-kiò)，teh tân 雷公(lûi-kong)，the 地動(tē-tāng)，tī 火煙(hé-ian) 熱熱(jia̍t-jia̍t) teh to̍h ê 時(sî)。一旦(it-tàn) chiah-ê 聲音(siaⁿ-im) lóng 無去(bô-khì)，你(lí) ê 手(chhiú) 也(iā) 無去(bô-khì) lòng hit-ê 鐵門(thih-mn̂g)，teh 關心(koan-sim) 別人(pa̍t-lâng) soah bōe 記得(kì-tit) 家己(ka-kī) ê 煩惱(hoân-ló) ê 時(sî)，所(só͘) teh 久久(kú-kú) 等待(tán-thāi) ê 回應(hoê-èng) 出現(chhut-hiān) lah。我(goá) ê 靈(lêng) ah，安靜(an-chēng) 落來(lo̍h-lâi)，接受(chiap-siū) 你(lí) ê 心(sim) 所(só͘) 渴慕(khak-bō͘) ê，減少(kiám-chió) 對(tùi) 家己(ka-kī) 本身(pún-sin) ê 關心(koan-sim)，將(chiong) 個人(kò-jîn) ê 煩惱(hoân-ló) hē tī 上帝(siōng-tè) ê 祭壇(chè-toâⁿ) 頂(téng)。Hit 暗(àm) 上帝(siōng-tè) beh 顯現(hián-hiān)，伊(i) ê 彩虹(chhái-khēng) 是(sī) tī 大(toā) 水(chúi) 退去(thè-khì) chiah 出現(chhut-hiān)，你(lí) ê 恬靜(tiām-chēng) beh 聽(thiaⁿ)tio̍h 永永遠遠(éng-éng-oán-oán) ê 音樂(im-ga̍k)。

單獨(tan-to̍k) 行(kiâⁿ) 人生(jîn-seng) 小(sió) 道(tō)，
心(sim) 靜靜(chēng-chēng) 無(bô) 煩(hoân) 無(bô) 惱(ló)。
真(chin) chōe 事(sū) 奇妙(kî-biāu) koh 奧秘(ò-pì)，
Bōe bat 有(ū) 人(lâng) 廣告(kóng-kò)。

人(lâng) chōe，事(sū) 雜(cha̍p) 來(lâi) 心(sim) 煩(hoân)，
得(tit)tio̍h 是(sī) 空空(khang-khang)，無(bô) 完全(oân-choân)。
Giâ 頭(thâu) 看(khoàⁿ) koân，
溫和(un-hô) 聖樂(sèng-ga̍k) teh 傳(thoân)。

繁繁(hoân-hoân) 亂亂(loān-loān) 路(lō͘) 放(pàng) hō͘ 人(lâng)，
心境(sim-kéng) 光明(kong-bêng)，無(bô) 驚人(kiaⁿ-lâng)。
闊大(khoah-toā) 海洋(hái-iûⁿ) 光亮(kng-liāng) 送(sàng)，
因為(in-ūi) 太陽(thài-iông) 光(kng) tùi 頂(téng) 降(kàng)。── V. Schoffel


附註:《荒漠甘泉》漢羅版kap "Hong-bô͘ Kam-chôaⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:book@pctpress.org