《耶穌言行錄》

Tē-17-chiuⁿ,Chúi pìⁿ chíu

作者 Ko Kim-seng.

listen


（Iok-hān 2：1-11）
Kè saⁿ ji̍t，Îa-so͘ chīu khì Ka-lī-lī ê Ka-ná sîaⁿ，tī hia ū lâng chhōa sin-nîu.Îa-so͘ kap lāu-bú chham ha̍k-seng lóng hō͘ i chhíaⁿ，i̍ah ū chōe-chōe lâng-kheh.Chíu chi̍t-ē chi̍ah líau，Îa-so͘ ê lāu-bú kā Îa-so͘ kóng，"In bô chíu lah. "Îa-so͘ chai i ài chi-phòe Sīong-tè ê kôan-lêng，chīu kóng，"Lāu-bú ah，góa kap lí sím-mi̍h kan-si̍ap？"I ê lāu-bú kā lô͘-po̍k kóng，"Îa-so͘ nā hoan-hú lín xhoe3 sím-mi̍h，ti̍oh thàn. "

Tī hit só͘-chāi ū la̍k ê chi̍oh-àng，ta̍k ê ōe tóe-tit chi̍oh-gōa ê chúi，Îa-so͘ kóng，"Àng ta̍k ê ti̍oh ēng chúi hō͘ i móa. "In chīu hō͘ i móa kàu lîm chhut-lâi.Îa-so͘ koh kóng，"Ti̍oh íuⁿ phâng khì hō͘ pān-toh ê lâng. "In chīu íuⁿ phâng khì，chúi í-keng pìⁿ chòe chíu.Pān-toh lim chhì-khòaⁿ，chīu kìo sin-kíaⁿ-sài kóng，"Lâng éng sī tāi-seng ēng hó-chíu chhíaⁿ lâng-kheh，āu-lâi ēng khah po̍h ê，lí hóan-tńg hó-chíu siu kàu chit-ti̍ap. "Chit ê sī Îa-so͘ khì-thâu kîaⁿ ê sîn-jiah tī Ka-lī-lī ê Ka-ná.

Kū-iok i̍ah ū kì-chài kîaⁿ sîn-jiah ê tāi-chì；chhin-chhīuⁿ Mô͘-se ū hō͘ chúi pìⁿ-chòe huih；hō͘ khó͘ ê chúi pìⁿ-chòe tiⁿ，phah chi̍oh-pôaⁿ hō͘ chúi alu5 chhut-lâi；koh kîaⁿ kúi-nā hō ê sîn-jiah，chóng-sī in só͘ kîaⁿ bô kap Îa-so͘ saⁿ-tâng.In ti̍oh thèng-hāu Sīong-tè kah in kîaⁿ，i̍ah ti̍oh óa-khò Sīong-tè ê kôan-lêng chiah ōe.Îa-so͘ m̄-sī án-ni，sī ka-kī ū kôan-lêng ōe chòe，in-ūi I pún sī Sīong-tè.

思羅安台語點字網站