《台灣布袋戲e5歷史》

| | | 轉寄

林邊全樂閣派

全樂閣,是鄭全明(1901-1967)所開創ê布袋戲流派。

鄭全明是屏東林邊放索村人,少年ê時陣bat4拜師岡山跛齊,後來正式拜師朴子「瑞興閣」陳深池。戰後戲園布袋戲盛行ê年代,鄭全明以精湛ê武戲,kap東港復興社ê「藏師」盧焜義ê愛情戲齊名。

鄭全明傳徒甚廣,包括「全樂閣二團」鄭來法、「全樂閣四團」鄭國安、「國華」鄭來成、「新紫雲」劉春蓮等,其中鄭來法kap劉春蓮兩大系統ê影響力最廣。劉春蓮ê學生劉勝平,tī 1984-85年之間,華視演出《多情流星劍》、《流星海底城》、《七巧多情劍》。

鄭來法是鄭全名ê兒子,其掌中技藝siōng人所稱道ê是詼諧ê「三小戲」。tī戲園布袋戲ê時代,伊bat經聘請過真chē著名ê排戲先生,幫伊編排新劇情。鄭來法傳徒siōng chē,包括「新全樂閣」陳朝岸、「明興閣」蘇明順、「大自然」陳勝雄、「金樂園」吳清德、「新樂閣」鄭川田等mā lóng bat經tī各地戲園表演過。