《台語荒漠甘泉（全羅版）》

" Sīong-tè ê pù-ū kap khóng-khài"

作者 陳清俊 翻譯

listen


Chhit ge̍h jī-chhit (Chhit ge̍h jī-cha̍p-chhit ji̍t)

"Ēng chit-ê lâi chhì Góa, khòaⁿ Góa kó-jîan kālín khui thiⁿ ê thang-á pìaⁿ hok-khì hō͘ lín, kàu bô tè thang hē bô?" (Má-la̍h-ki 3:10)

Sīong-tè tī chit chat keng-bûn kóng, "Chhin-ài ê kíaⁿ-jî, góa íau teh sú-īong thiⁿ-téng ê thang-á, thang-á ê só íau chhin-chhīuⁿ í-chêng hiah-nih îong-ī khui, bô siⁿ sian. Sū-si̍t-sīong, góa chin gōan-ì phah-khui in pìaⁿ hok-khì hō͘ lín, bô beh ka-kī lâu-teh. Góa bat ūi Mô͘-se phah-khui thang-á, chiong hái-chúi pun-khui, ūi Iok-su-a phah-khui thang-á, chiong Iok-tàn hô ê chúi thêng-chí lâu, tòng khí-lâi; Góa thè Ki-tîan phah-khui thang-á, hō͘ te̍k-kun tô-cháu; góa īa ōe thè lín phah-khui, chí su-ìau lín hō͘ góa án-ni chòe.

"Tī thang-á ê lāi-bīn, góa ê hè-chûn it-hìong sī chin hong-hù. Chôaⁿ-chúi, khoe-chúi íau-sī móa-móa, pó-chông-khò͘ íau-sī chngg móa lé-mi̍h. Su-ìau ê m̄-sī tī góa chit-pêng, sī tī lín hit pêng. Góa teh thèng-hāu lín 'lâi chhì góa', tān-sī lín pit-su si̍t-hêng góa só͘ tēng ê tîau-kīaⁿ, 'ti̍oh chiong eng-kai la̍p ê cha̍p-hun-chi-it, chôan-jîan sàng-ji̍p hú-khò͘' (chham-khó Má-la̍h-ki 3:10), hō͘ góa hêng-tōng ê ki-hōe."

Góa éng-óan bōe bōe-kì-tit góa ê lāu-bú tùi Má-la̍h-ki tē 3 chiuⁿ tē 10 chat ê kán-bêng ê ì-gī. Hit chat keng-bûn khai-sí kóng, "ti̍oh ēng cha̍p-hūn ê chi̍t-hūn ôan-chôan sàng-ji̍p hú-khò͘", kiat-bé sī "pìaⁿ hok-khì hō͘ lín", chin chōe kàu bô tè thang hē. Chóng-sī góa ê lāu-bú kán-ìau án-ni kóng, "Sīong-tè só͘ iau-kîu ê, lóng-chóng hō͘ I, I èng-ún hō͘ lán ê, lóng-chóng kā chiap-sīu."

Sīong-tè só͘ chòe ê, chhiau-kè lán só͘ kîu ê, sīm-chì chhiau-kè lán sīong tōa-táⁿ ê chhéng-kîu! Góa chòe-kūn teh sīuⁿ góa m̄-chai ū jōa-chōe pái kî-tó hìong I thê-chhut ê só͘-ū chhéng-kîu? Góa chhéng-kîu ê sī jōa-tōa? I ū kui-ê ê hái-îuⁿ ê chúi, góa chí chhéng-kîu chi̍t poe chúi; I ū kui-ê ê thài-îong ê kngg, góa chí chhéng-kîu chi̍t sòaⁿ kngg! Góa sīong hó sīong tōa ê iau-kîu īa bōe ta̍t kàu chhiau-chhut Thiⁿ-pē ê só͘ ōe sù ê lêng-le̍k. I ê lêng-le̍k chhiau-kè góa só͘ ōe sīuⁿ ê chhéng-kîu hn̄g-hn̄g-hn̄g. --- John Henry Jowett

Lí èng-ún ê un-tían, góa só͘ tit só͘ nía-sīu,
Chhiau-kè góa ǹg Lí só͘ ū ê chhéng-

附註:《荒漠甘泉》漢羅版kap "Hong-bô͘Kam-chôaⁿ"全羅版附CD，由人光出版社出版，歡迎洽購(06-235-6277分機(122~124) ， e-mail:book@pctpress.com