|
"Chiàu lín ê sìn,
kā lín choè chiâⁿ."
(Má-thài 9:29)
|
|
"Mô͘-se chiū kiâⁿ-kūn ba̍t-hûn,
kàu Siōng-tè ê só͘-chāi."
(Chhut-ai-ki̍p-kì 20:21)
|
|
"Goán....hoān-sū tú-tio̍h hoān-lān,"
(Ṳ Ko-lîm-to 7:5)
|
|
"Só͘-í tio̍h tùi Iâ-so͘ siông-siông ēng o-ló choè chè,
hiàn hō͘ Siōng-tè;"
(Hi-pek-lâi 13:15)
|
|
"Tio̍h chēng-chēng tī Iâ-hô-hoa ê bīn-chêng,
khoan-sim thèng-hāu I."
(Si-phian 37:7)
|
|
"Tio̍h siông-siông tiàm-tī Chú lâi hoaⁿ-hí;
goá beh koh kóng i, Tio̍h hoaⁿ-hí."
(Hui-li̍p-pí 4:4)
|
|
"Goá ê sim ah,
lí siáⁿ-sū ut-chut?"
(Si-phian 43:5)
|
|
Chá-khí, lê-bêng siā kng-soàⁿ,
O͘-àm, im-iáⁿ lóng siau-soàⁿ,
Thèng-hāu chheng-chá sim ho͘-hoan,
Ū lí pêng-an, boē koh hoân.
|
|
Kàu ē-hng chíⁿ-á tò-lâi i hia,
chhùi kā chi̍t-hio̍h sin ê kaⁿ-ná-hio̍h."
(Chhòng-sè-kì 8:9,11)
|
|
lí só͘ siông-siông ho̍k-sāi-ê,
oē kiù lí thoat-lī hiah ê sai mah?"
(Tān-í-lí 6:20)
|
|
"in-ūi Sèng Sîn bat kìm in thoân tō-lí tī A-se-a,"
(Sù-tô͘ hēng-toān 16:6)
|
|
“Goá beh chiàu tī goá bīn-chêng kui-kûn cheng-siⁿ ê le̍k-liōng,
ia̍h chiàu gín-á ê le̍k-liōng,
bān-bān chìn-chêng.”
(Chhòng-sè-kì 33:14)
|
|
"I siū thih-liān khún-pa̍k;"
(Si-phian 105:18)
|
|
"chóng-sī goá m̄ sī ka-kī tī-teh,
in-ūi Pē kap goá tī-teh."
(Iok-hān 16:32)
|
|
"Goá beh chiong àm-tiong ê pó-mi̍h ...
siúⁿ-sù lí."
(Í-sài-a 45:3)
|
|
"Goá kín-kín kàu; lí só͘-ū ê tio̍h chhî-siú i,
bián-tit ū lâng chhiúⁿ lí ê bián-liû."
(Khé-sī-liok 3:11)
|
|
"Nā-sī āu-lâi, chiū tī ..."
(Hi-pek-lâi 12:11)
|
|
"Lín sìn goá oē choè chit ê sū mah?"
(Má-thài 9:28)
|
|
"hō͘ Ki-tok ê khùi-la̍t toà tī goá."
(Ṳ Ko-lîm-to 12:9)
|
|
Pí-tek kap tâng tī-teh ê lâng ...
khoàⁿ-kìⁿ Iâ-so͘ ê êng-kng."
(Lō͘-ka 9:28-29,32)
|
|
"Hûn tī hoē-bō͘-téng thêng...
Í-sek-lia̍t lâng chiū...
bô khí-sin."
(Bîn-sò͘-kì 9:19)
|
|
"Lín kàu taⁿ bē bat tī goá ê miâ kiû sím-mi̍h;
lín tio̍h kiû chiū oē tit-tio̍h,
hō͘ lín ê hoaⁿ-hí moá moá."
(Iok-hān 16:24)
|
|
"... āu-lâi in beh toà choē-choē châi-bu̍t tùi-hia chhut-lâi."
(Chhòng-sè-kì 15:13-14)
|
|
"chhin-chhiūⁿ beh sí,
kî-si̍t sī oa̍h."
(Ṳ Ko-lîm-to 6:9)
|
|
"Án-ni Iâ-hô-hoa sù-hok Iok-pek ê bé-kéng iâⁿ-kè i ê khí-thâu."
(Iok-pek-kì 42:12)
|
|
"Goá í-keng chhē-tio̍h sio̍k-hoê i ê."
(Iok-pek-kì 33:24)
|
|
"Goá kiám bô kā lí kóng, lí nā sìn,
oē khoàⁿ-kìⁿ Siōng-tè ê êng-kng mah?"
(Iok-hān 11:40)
|
|
"thàu-chá lí tio̍h chiūⁿ Se-nái soaⁿ;
tī-hia, tī soaⁿ-bé-liu,
khiā tī Goá bīn-chêng,"
(Chhut-ai-ki̍p-kì 34:2)
|
|
"to̍k-to̍k lí kú-tn̂g tī-teh."
(Hi-pek-lâi 1:11)
|
|
"Chē-chûn kè-hái, tī toā-chúi-tiong keng-êng sū-gia̍p ê,
in khoàⁿ-kìⁿ Iâ-hô-hoa ê só͘-choè,
kap I tī chhim-ian só͘ kiâⁿ ê kî-sū."
(Si-phian 107:23-24)
|
|
"Tùi sìn, A-pek-la̍h-hán siū-tiàu ê sî,
chiū sūn bēng-lēng chhut-khì, … I chhut-khì,
m̄ chai beh khì tá-lo̍h."
(Hi-pek-lâi 11:8)
|
|
"Goá bat thun-lún thèng-hāu Iâ-hô-hoa."
(Si-phian 40:1)
|
|
"I ê la̍t chāi-tī Lí, … hit-hō lâng ū hok-khì.
In keng-kè Lâu-ba̍k-sái ê soaⁿ-kok,
hō͘ I pìⁿ-choè chúi-choâⁿ ê só͘-chāi."
(Si-phian 84:5-6)
|
|
"Goá beh hō͘ goá ê chèng soaⁿ chiâⁿ-choè lō͘."
(Í-sài-a 49:11)
|
|
"In-ūi lán oá-khò Sîn,
tùi sìn teh thèng-hāu só͘ ǹg-bāng ê gī."
(Ka-lia̍p-thài 5:5)
|
|
"Pē só͘ hō͘ goá ê poe,
goá kiám bô beh lim mah?"
(Iok-hān 18:11)
|
|
"Chóng-sī I chai goá só͘ kiâⁿ ê lō͘;
I chhì-liān goá liáu-āu,
goá beh chhin-chhiūⁿ kè thoàn-liān ê kim."
(Iok-pek-kì 23:10)
|
|
"Goá beh chio-ho͘ i, chhoā i kàu khòng-iá,
ēng oē an-ùi i,
Goá iā beh tùi-hia siúⁿ-sù i phû-tô-hn̂g."
(Hô-se-a 2:14-15)
|
|
"Tī thiⁿ-ni̍h ū mn̂g khui."
(Khé-sī-lio̍k 4:1)
|
|
"lâng thiaⁿ-kìⁿ I tī chhù-lāi."
(Má-khó 2:1)
|
|
"Nā-sī goá ū thoè lí kî-tó,
hō͘ lí ê sìn bô sit-lo̍h."
(Lō͘-ka 22:32)
|
|
"Chhòng-chō goá ê Siōng-tè tī toh-lo̍h?
I sī hō͘ lâng mî-sî chhiùⁿ koa ê."
(Iok-pek-kì 35:10)
|
|
"Lí beh hè-siū moá-chiok chiah kui bōng,
chhin-chhiūⁿ tiū-khún kàu-sî siu-khǹg."
(Iok-pek-kì 5:26)
|
|
"A-pek-la̍h-hán nî-lāu ê sî, Sat-la̍h hoâi-īn;
kàu Siōng-tè tùi i kóng ê ji̍t-kî,
chiū kā i siⁿ chi̍t ê kiáⁿ."
(Chhòng-sè-kì 21:2)
|
|
"ū thiⁿ-sài tùi i hián-hiān. ... Chiū kā i kóng,
... taⁿ lí lâi, goá beh chhe lí khì Ai-ki̍p."
(Sù-tô͘ hēng-toān 7:30, 33-34)
|
|
"Goá nā m̄-sìn tī oa̍h-lâng ê toē tit-tio̍h khoàⁿ-kìⁿ Iâ-hô-hoa ê un-hūi,
chiū tek-khak choa̍t-bāng. Tio̍h thèng-hāu Iâ-hô-hoa,
tio̍h ióng-chòng, lí ê sim tio̍h kian-kò͘."
(Si-phian 27:13,14)
|
|
"kìⁿ-ū kiû-kiò Iâ-hô-hoa ê miâ ê,
beh tit-tio̍h kiù."
(Iok-jíⁿ 2:32)
|
|
"Goá chin-chiàⁿ khoàⁿ bān sū choè sún-hāi,
in-ūi goá lia̍h bat goá ê Chú Ki-tok Iâ-so͘ choè tē it hó."
(Hui-li̍p-pí 3:8)
|
|
"M̄-bián kiaⁿ, choè lín khiā-teh,
khoàⁿ Iâ-hô-hoa kin-á-ji̍t ūi-tio̍h lín só͘ beh kiâⁿ ê chín-kiù."
(Chhut-ai-ki̍p-kì 14:13)
|
|
"Iâ-so͘ siū Sèng Sîn chhiong-moá,
tùi Iok-tàn hô tò-lâi;
hō͘ Sèng Sîn chhoā I tī khòng-iá-ni̍h sì-cha̍p ji̍t kú,
hō͘ Mô͘-kúi chhì I;."
(Lō͘-ka 4:1-2)
|
|
"Tio̍h ji̍p chhù, koaiⁿ-mn̂g,
lí kap lí ê kiáⁿ tiàm lāi-bīn,"
(Ṳ Lia̍t-ông-kì 4:4)
|
|
"Chhì-siūⁿ soaⁿ-ni̍h ê pek-ha̍p-hoe,
cháiⁿ-iūⁿ toā châng."
(Má-thài 6:28)
|
|
Chú kā i kóng,
lí só͘ khiā ê ūi sī sèng-toē.
(Sù-tô͘ hēng-toān 7:30,33-34)
|
|
"Chhin-chhiūⁿ tō͘-ún ê Ngá-kok,
… Goá beh hō͘ lí choè phah gō͘-kak sin ê khì-kū."
(Í-sài-a 41:14-15)
|
|
"chiàu Lí só͘ kóng lâi kiâⁿ.
Goān Lí ê miâ éng-oán kian-kò͘,"
(I Lia̍t-tāi-chì-lio̍k 17:23,24)
|
|
"Lí tio̍h siūⁿ Siōng-tè só͘ choè,
in-ūi I hō͘ i oan-ê,
chī-chūi oē hō͘ i ti̍t?" (Thoân-tō 7:13)
|
|
"Cháiⁿ-iūⁿ kóng,
lí nā oē ah? ū sìn ê lâng,
ta̍k hāng lóng oē." (Má-khó 9:23)
|
|
"M̄-thang in-ūi choè pháiⁿ ê lâng,
sim-lāi put-pêng;
ia̍h m̄-thang oàn-tò͘ kiâⁿ put-gī ê lâng."
(Si-phian 37:1)
|
|
"koh goá ji̍t-ji̍t kap lín tī-teh,
kàu sè-kan ê lō͘-bé." (Má-thài 28:20)
|
|
"Iâ-hô-hoa án-ni kóng,
in-ūi chit ê tāi-chì chhut tī Goá."
(I Lia̍t-ông-kì 12:24)
|
|
"Lí ê thûi,
Lí ê koáiⁿ,
an-ùi goá." (Si-phian 23:4)
|
|
"Kám-siā Siōng-tè,
siông-siông tī Ki-tok tek-sèng,
lâi choè-thâu chhoā goán," (Ṳ Ko-lîm-to 2:14)
|
|
"Lín ê Siōng-tè kóng,
Lín tio̍h an-ùi,
an-ùi Goá ê peh-sìⁿ." (Í-sài-a 40:1)
|
|
Iâ-so͘ kā i kóng,
Khì ah, lí ê kiáⁿ oa̍h lah.
Hit lâng sìn Iâ-so͘ kā i kóng ê oē, chiū khì.
|
|
Tng I thiaⁿ lí chhiùⁿ-koa,
I oē àⁿ lo̍h-lâi chhiò-chhiò tī I chû-ài ê bīn-iông nih.
|
|
"Goá beh ēng i só͘ ta̍h tio̍h ê toē siúⁿ-sù i,
... in-ūi i choan-sim tè Iâ-hô-hoa." (Sin-bēng-kì 1:36)
|
|
"I ê ha̍k-seng chi̍t lâng tùi I kóng, Chú ah,
kà-sī goán kî-tó. ...
I chiū kā in kóng,
Lín kî-tó ê sî tio̍h kóng, ...
lí ê kok lîm-kàu;" (Lō͘-ka 11:1-2)
|
|
"Lín beh bô khoàⁿ-kìⁿ hong,
bô khoàⁿ-kìⁿ hō͘;
iáu-kú chit ê soaⁿ-kok, chúi beh moá-moá,
hō͘ lín thang lim
|
|
Che sī chi̍t ê ūi lí hiān-chāi khó-lêng siū ke̍k-toā ap-le̍k ê khùn-kéng ê èng-ún.
|
|
Siōng-tè tī siū-khó͘ ê soaⁿ-téng chhē I siōng cheng-eng ê peng.
|
|
Siōng hó ê mi̍h pit-su thong-kè siōng khùn-lân ê lō͘-kèng chiah oē tit-tio̍h.
Lán goān-ì khì cheng-chhú Siōng-tè siōng hó ê mi̍h mah?
|
|
"Tiàm-tī i ê ìm-ńg ê beh tò-tńg-lâi;
in beh chhin-chhiūⁿ gō͘-kak koh hoan-chhiⁿ,
khui-hoe chhin-chhiūⁿ phû-tô-chhiū." (Hô-se-a 14:7)
|
|
Kî-tó sī chiap-liân lán kap Siōng-tè ê kau-thong.
Sī chi̍t tiâu toā-kiô,
pêng-an toà lán thong-kè gûi-hiám ê chhim-ian,
toā-chúi.
|
|
"chiū ka-kī chiūⁿ soaⁿ kî-tó;
í-keng àm,
chí ū I ka-kī tī hia."
(Má-thài 14:23)
|
|
Siōng-tè ê chhiú-cháiⁿ kí ǹg tó-ūi,
I ê chhiú chiū tī hia khui lō͘.
|
|
Lán chai, nā-sī chū-ai chū-thàn,
toā-toā thó͘-khùi, án-ni,
Siōng-tè boē khí-iōng i,
it-tēng ài chiong chiah-ê pàng lī-lī tī āu-bīn.
|
|
Bô-lūn jû-hô, lán lóng ha̍k-si̍p tio̍h,
siong-sìn “un-sù” kap sìn-jīm “Si-un-chiá” ê chha-pia̍t.
|
|
"Hō͘ lín tiàm-tī goá ū pêng-an."
(Iok-hān 16:33)
|
|
"Goá chin-chiàⁿ khoàⁿ bān sū choè sún-hāi,
in-ūi goá lia̍h bat goá ê Chú Ki-tok Iâ-so͘ choè tē it hó."
(Hui-li̍p-pí 3:8)
|
|
"Nā ū lâng ài tè goá,
chiū tio̍h khoàⁿ-bô ka-kī,
giâ i ê si̍p-jī-kè lâi tè goá."
(Má-khó 8:34)
|
|
"Siōng-tè sī goán tô-siám ê só͘-chāi kap khùi-la̍t.
Ia̍h sī hoān-lān-tiong ki̍p-sî ê pang-chān."
(Si-phian 46:1)
|
|
"Hiah ê bô khoàⁿ-kìⁿ lâi sìn ê lâng,
ū hok-khì." (Iok-hān 20:29)
|
|
"Goá ū chiah ê mi̍h,
kàu-gia̍h ū chhun,
goá í-keng chhiong-chiok."
(Hui-li̍p-pí 4:18)
|
|
"Goá sìn Siōng-tè, tāi-chì teh-beh chiàu I só͘ kā goá kóng ê." (Sù-tô͘ Hēng-toān 27:25)
|
|
"Kì-jiân thiaⁿ-kìⁿ I phoà-pīⁿ,
chiū tī só͘ toà ê só͘-chāi iû-goân toà nn̄g ji̍t."
(Iok-hān 11:6)
|
|
"choè tāi tiōng-hu,
choè ióng-kiāⁿ."
(I Ko-lîm-to 16:13)
|
|
"Ēng chit-ê lâi chhì Goá,
khoàⁿ Goá kó-jiân kā lín khui thiⁿ ê thang-á piàⁿ hok-khì hō͘ lín,
kàu bô tè thang hē bô?"
(Má-la̍h-ki 3:10)
|
|
"Só͘-í lán tio̍h hó-táⁿ chiū-kūn un-tián ê chō-ūi,
thang siū lîn-bín,
iā tit-tio̍h un-tián,
choè ki̍p-sî ê pang-chān"
(Hi-pek-lâi 4:14,16)
|
|
"Chiàu só͘ kì-chài kóng,
Goá siat-li̍p lí choè choē-choē pang-kok ê pē."
(Lô-má 4:17)
|
|
"Goán iā m̄-chai tio̍h cháiⁿ-iūⁿ kiâⁿ,
goán ê ba̍k-chiu choan-choan ǹg Lí."
(Ṳ Le̍k-tāi-chì-lio̍k 20:12)
|
|
"Goán tī hia khoàⁿ-kìⁿ toā-hàn lâng."
(Bîn-sò͘-kì 13:33)
|
|
"Jîn-ài oē jia-khàm lóng-chóng ê kè-sit."
(Chim-giân 10:12)
|
|
"Siōng-tè hō͘ goá tī goá siū-khó͘ ê toē-hng heng-ōng."
(Chhòng-sè-kì 41:52)
|
|
"In-ūi kìⁿ-nā tùi Siōng-tè siⁿ ê khah-iâⁿ sè-kan;
iā hit ê só͘-í bat khah-iâⁿ sè-kan ê chiū-sī lán ê sìn."
(I Iok-hān [it-su] 5:4)
|
|
"I bat tùi in kóng, Chit-ê chiū-sī an-hioh ,
lín tio̍h hō͘ ià-siān ê lâng tit-tio̍h an-hioh ;
koh kóng, Chit-ê chiū-sī khùiⁿ-oa̍h;
chóng-sī in m̄-khéng thiaⁿ."
(Í-sài-a 28:12)
|
|
"Só͘-í goá in-ūi siū kéng ê lâng lâi thun-lún it-chhè ê sū,
hō͘ in iā ū hūn tī Ki-tok Iâ-so͘ ê chín-kiù,
kap éng sè-tāi ê êng-kng."
(Ṳ Thê-mô͘-thài 2:10)
|
|
"Goán sī siū teh-tāng chin thiám kàu tng boē khí,
liân oa̍h iā bô ǹg-bāng;
… beh hō͘ goán bô oá-khò ka-kī,
to̍k-to̍k oá-khò hō͘ sí-lâng koh-oa̍h ê Siōng-tè."
(Ṳ Ko-lîm-to 1:8-9)
|
|
"Goán keng-kè chúi-hé,
Chóng-sī Lí hō͘ goán kàu pù-ū ê só͘-chāi."
(Si-phian 66:12)
|
|
"I hō͘ lâng thàng-thiàⁿ,
chiū kā i pau-ba̍t;
I siong lâng,
iā I ê chhiú i-hó i."
(Iok-pek-kì 5:18)
|
|
"Goá bat sí,
taⁿ lí khoàⁿ,
goá sī oa̍h kàu tāi-tāi."
(Khé-sī-lio̍k 1:18)
|
|
"M̄-sī ēng koân-sè,
m̄-sī ēng lêng-le̍k,
chiū-sī ēng Goá ê Sîn;
che sī bān-kun ê Iâ-hô-hoa kóng ê."
(Sat-ka-lī-a 4:6)
|
|
"Iâ-hô-hoa ê chhiú tī-hia hē tī goá ê sin-chiūⁿ;
I tùi goá kóng, Lí khí-lâi,
khì pîⁿ-iûⁿ, Goá beh tī-hia kap lí kóng-oē."
(Í-se-kiat 3:22)
|
|
"Goá beh khiā chiú-kiⁿ-lâu,
khiā tī iâⁿ-chē koan-khoàⁿ,
khoàⁿ I tùi goá kóng sím-mi̍h oē."
(Hap-pa-kok 2:1)
|
|
Goá bô beh koh mn̄g goân-in,
Sui-jiân goá khoàⁿ boē tio̍h chêng-bīn.
Tè I ê tài-ín,
Goá sui gōng, I khiok chin koh thang sìn,
Kà goá chhē soán an-choân ê lō͘-kèng.
--- tùi "Chú-ji̍t-o̍h ha̍k-pò"
|
|
"In ēng kau-chiàn ê sî só͘ chhiúⁿ ê mi̍h,
chhú i lâi hiàn,
thang siu-chéng Iâ-hô-hoa ê tiān."
(I Le̍k-tāi-chì-lio̍k 26:27)
|
|
Chhin-ài ê,
tng lí lâi kàu lí jîn-seng ê soaⁿ-kok ê sî,
ài kì-tit chit ê kò͘-sū!
|
|
Chi̍t ji̍t kiâⁿ tī koe-ni̍h,
Kip teh pān-sū, thâu-nó͘ siūⁿ pah-hāng tāi-chì,
Ná ba̍t-hûn, toā-hō͘ beh piàⁿ lo̍h-khì,
Ka-kī khó-lîn ka-kī.
|
|
"Bîn-á-chá-khí lí tio̍h pī-pān piān;
thàu-chá lí tio̍h chiūⁿ Se-nái soaⁿ;
tī-hia, tī soaⁿ-bé-liu, khiā tī Goá bīn-chêng,
m̄-thang ū lâng kap lí chiūⁿ-lâi;"
(Chhut-ai-ki̍p-kì 34:2,3)
|
|
“Iok-hān lóng bô kiâⁿ sîn-jiah,
to̍k-to̍k Iok-hān só͘ kóng chí chit lâng ê,
lóng sī chin.”
(Iok-hān hok-im 10:41)
|
|
"taⁿ lí tio̍h khí-lâi, ...
khì Goá só͘ siúⁿ-sù Í-sek-lia̍t ê toē."
(Iok-su-a 1:2)
|
|
Lâng beh gō͘-hoē,
Chhē khang-phāng teh hoe,
Kóng lí chhò kàu té;
Pó tiām-chēng bô hoê,
Sím-phoàⁿ-koaⁿ sī Ki-tok, m̄-sī in teh choè,
Bo̍h-tit kiaⁿ, kian-kiông sī pó-poè.
|
|
Kìⁿ-nā chiong lêng-hûn kau-thok tī Siōng-tè ê lâng
lóng beh án-ni tit sèng-lī.
Chhì-liān liáu-āu oē kiat chèng-gī kap
hô-pêng ê ké-chí
|
|
Ti lán kap Siōng-tè tâng-kiâⁿ ê sū,
ū chi̍t-tiâu sio̍k-lêng-lu̍t ài khì kéng-soán,
siong-sìn, chun-siú kap kian-chhî lo̍h-khì.
|
|
Iu-būn pí chhiò khah-hó;
in-ūi bīn tài-iu-iông,
sī hō͘ sim khoài-lo̍k.
(Thoân-tō 7:3)
|
|
Kám-siā Siōng-tè, siông-siông tī Ki-tok tek-sèng,
lâi choè-thâu chhoā goán,
iā ēng goán tī ta̍k só͘-chāi hián-bêng
hit ê tùi bat Ki-tok chiah ū ê khì-bī.
(Ṳ Ko-lîm-to 2:14)
|
|
Lí tùi chúi-tiong keng-kè,
Goá tek-khak kap lí saⁿ-kap tī-teh;
lí keng-kè kang-hô,
chúi tek-khak bô im-ba̍t lí
(Í-sài-a 43:2)
|
|
Pí-tek tī kaⁿ-nih thèng-hāu siū chhù sí,
kàu-hoē tī lâng ê hong-bīn bô lêng-le̍k,
á-sī éng-hióng-la̍t lâi kiù i.
|
|
I tùi in kóng, an-sim khùn,
Tú sī tī I siū choân jîn-lūi ê choē tîⁿ-khún
Chiong lí ê sìⁿ-miā kau-thok I siōng an-ún,
M̄-bián kiaⁿ, an-sim hó-khùn pêng-sūn.
|
|
Ài-kì-tit,
lán pit-su tī kî-tó tiong ha̍k-si̍p kî-tó,
ài kè-sio̍k kî-tó,
án-ni lán ê kî-tó oē kè-sio̍k.
|
|
Pêng-an chûn tī oân-choân ê hōng-hiàn,
Bô-siū ì-chì, kám-chêng só͘ kái-piàn,
Pêng-an m̄-sī chhut tùi pêng-chēng ê Ai-tiân,
Sī chāi Khek-se-má-nî hn̂g sèng-lī chhut-hiān.
|
|
Beh ta̍t-kàu īⁿ-siōng ê soaⁿ,
bô pa̍t lō͘,
chí-ū chhì-phè ê lō͘ thang kiâⁿ.
|
|
Kia̍h hiah ê chìⁿ, ... phah toē.
I phah saⁿ-pái chiū soah.
Siōng-tè ê lô͘-po̍k siū-khì i kóng,
Lí hit-tia̍p tio̍h phah gō͘-la̍k pái.(Ṳ Lia̍t-ông-kì 13:18-19)
|
|
Sìn-sim bô poa̍h-tó ê lâng ū hok-khì,
Siū bô-bêng ê chhì-liān, oh lí-kái ê ò-pì,
Ti̍t-kàu bo̍k-piau ta̍t sêng, sèng-lī
|
|
I beh kàng-lîm chhin-chhiūⁿ hō͘ lo̍h tī í-keng koah ê chháu.
(Si-phian 72:6)
|
|
goá tī Ka-pa-lô͘ ê hô-piⁿ,
siū-lia̍h ê lâng ê tiong-kan; hit-sî thiⁿ khui.
Goá khoàⁿ-kìⁿ Siōng-tè ê īⁿ-siōng. ...
Iâ-hô-hoa ê chhiú hē tī i ê sin-chiūⁿ. (Í-se-kiat 1:1-3)
|
|
Hong-thai ê tiong-sim chin ò-biāu pêng-chēng,
Soè-hàn gín-ná bô tio̍h kiaⁿ, khùn chēng-chēng,
Liân thâu-mn̂g mā pó-chhî goân-hêng,
Tī toā tńg-se̍h soân-o tiong ū kî-biāu ê an-lêng.
|
|
Hō͘ lán chhiùⁿ-koa khì, m̄-sī thî-khàu,
In-ūi lán ê sî, sī tîⁿ tī I ê chhiú-thâu,
Ūi sím-mi̍h háu koh kiaⁿ, kóng sī sí-khiàu-khiàu,
Lán chí sī pe ǹg Joa̍h-thiⁿ ê tau.
|
|
Sìn-khò Siōng-tè só͘ ēng ê hong-hoat,
chiàu I ê sî-kan-pió seng-oa̍h sī an-choân ê. --- Samuel Dickey Gordon
|
|
Si̍p-jī-kè sī ǹg lo̍k-hn̂g ê piáu-sī,
Bān-mi̍h Thiⁿ-pē thóng-tī!
Thêng-chí it-chhè hoâi-gî,
Kian-chhî, goá ê sim ah, kian-chhî, koh kian-chhî.
|
|
"I ûi-se̍h i, khoàⁿ-kò͘ i, ... koh chhin-chhiūⁿ eng-chiáu lā i ê siū, tī eng-á téng-bīn ia̍t i ê si̍t, thí-khui si̍t-kó͘ lâi sîn i, chài i tī i ê si̍t-kó͘. Chí-ū Iâ-hô-hoa chhoā i, bô pa̍t ê siōng-tè kap i tī-teh." (Sīn-bēng-kì 32:10-12)
|
|
"Sìn goá ê lâng, chhin-chhiūⁿ sèng-keng só͘ kóng, ū oa̍h chúi ê khoe, beh tùi i ê pak-lāi lâu-chhut." (Iok-hān 7:38)
|
|
"Bih tī Iok-tàn hô ê tang-sì, Ki-li̍p khoe-piⁿ." (I Lia̍t-ông-kì 17:3)
|
|
Hō͘ sîn-sèng īⁿ-siōng kàu khoan-khoah tiûⁿ-só͘,
Hō͘ Sìn-sim kap thiàⁿ-sim kàu koâiⁿ, chhim ê tē-pō͘,
Chìn-chêng, hiòng-siōng, oân-choân thé-hoē khîⁿ-tiâu
I tùi thiⁿ-téng lâi ê ho͘-tiàu. --- A.B.Simpson
|
|
Tùi chhim-ian, chio̍h-phāng piak-khui,
Lâu chhut oa̍h-chúi,
Àm-sî thiⁿ-sài sù un-jiû lō͘-chúi,
Chheng-chá, Jîn-chú lâi chhái hoe-lúi.
|
|
"Chhim-ian kóng, bô tī goá chia." (Iok-pek 28:14)
|
|
Poeh ge̍h cha̍p-káu (Poeh ge̍h cha̍p-káu ji̍t)
|
|
Kàu Siōng-tè èng-ún ê chhim-chhù,
Chīn lí só͘ ài khì chhú,
I ê sù-hok sī hong-hù,
I só͘ kóng ê oē it-tēng si̍t-hiān múi chi̍t kù.
|
|
Tī Iâ-so͘ lāi, bû-kiông ê hong-hù,
I siúⁿ-sù, koh siúⁿ-sù, chài siúⁿ-sù.
|
|
"Lí bat ji̍p seh ê khò͘-pâng, … Chiū-sī Goá só͘ siu-khǹg lâi thèng-hāu hoān-lān ê sî." (Iok-pek-kì 38:22-23)
|
|
"Iâ-hô-hoa in-ūi án-ni beh thèng-hāu lâi si un-hūi hō͘ lín, ... hoān-nā thèng-hāu I ê, lóng ū hok-khì." (Í-sài-a 30:18)
|
|
Koan-sim Siōng-tè tùi lí ê kè-oē, nāi-sim thèng-hāu, sīm-chì kàu sí iā bô sit-khì sìn-sim. “Che chiū-sī khah-iâⁿ sè-kài lah” sī chin-chiàⁿ ê sìn-sim.
|
|
Bô-lūn Tàⁿ joā tāng, Siōng-tè chhin-sin ēng chû-ài ê chhiú hē tī lán keng-kah ê tàⁿ lóng sī chi̍t ê chiok-hok.
|
|
"hiah-ê kàu kî beh èng-giām ê oē." (Lō͘-ka 1:20)
"Chú só͘ kā i kóng ê oē beh èng-giām." (Lō͘-ka 1:45)
|
|
Hōng Chú ê miâ tùi lí ê soaⁿ hā lēng!
|
|
|
|
An-chēng! Chit-sî an-chēng tiāⁿ-tiāⁿ!
|
|
“Siōng-tè goân-ì sī hó,” Chhin-ài chèng-lâng!
|
|
Ū Ki-tok tī chûn ni̍h hioh,
Tùi po̍k-hong goá káⁿ chhiò.
|
|
"The̍h lâi hō͘ goá." (Má-thài 14:18)
|
|
"Pē só͘ hō͘ goá ê poe, goá kiám bô beh lim mah?" (Iok-hān 18:11)
|
|
"in-ūi lán m̄ chai-iáⁿ tio̍h cháiⁿ-iūⁿ kî-tó chiàu só͘ eng-kai ê." (Lô-má 8:26)
|
|
Bô kàu choè-āu chi̍t soàⁿ chi̍t chiam thêng-chí,
Lí boē liáu-kái Siōng-tè ê tô͘-iūⁿ kap sim-ì,
Tī chhiah-siù-chiá tô͘-iūⁿ tiong ê o͘-soàⁿ,
Kap kim-soàⁿ gûn-soàⁿ pîⁿ-pîⁿ ū tiōng-iàu ê ì-gī.
|
|
"Í-lī-a sī kap lán tâng chêng ê lâng, i chhiat-chhiat kiû," (Ngá-kok 5:17)
|
|
"I chai goá só͘ kiâⁿ ê lō͘." (Iok-pek-kì 23:10)
|
|
"Goá oá-khò Lí ê oē." (Si-phian 119:42)
|
|
Khó-lîn ê lâng khoàⁿ boē tio̍h,
Chhiⁿ-kng chhiò thàu-kè píⁿ-pek chhiū ê hio̍h.
|
|
I beh thâi-sí goá, goá bô thang ǹg-bāng.
In-ūi goá bat goá só͘ sìn ê.
|
|
Tng chhì-giām, that-gāi sì-bīn ûi goá ná koâiⁿ-
chhiûⁿ,
Goá só͘ thang choè ê sī kau-thok Lí, ǹg Lí chhéng-
kiû.
Chiàu khoàⁿ sī bô ki-hoē, bô choán-oāⁿ, lâi
thoat-lī goá só͘ siū,
Tī choa̍t-kéng tiong an-chēng thèng-hāu Lí ê chín-
kiù.
|
|
Pêng-iú, lí bat in-ūi sió-khoá tāi-chì
Hoat phî-khì tòng-choè kong-gī,
Khó͘-náu, lâng tùi lí ê biáu-sī?
I beh chēng-chēng bô kóng poàⁿ-si.
|
|
Chū-su ūi ka-kī lâu ba̍k-sái,
Kiat-kó sī siū choē kap siong-hāi.
Lí só͘ ūi goán chún-pī ê, sī úi-tāi,
Pí goán só͘ siūⁿ ê khah si̍t-chāi.
|
|
Siū-siong, sún-hāi ê sū-piàn,
Hō͘ lâng chiâⁿ-choè khah kèng-khiân.
Chhiⁿ-kiaⁿ, kín-tiuⁿ kap piàn-chhian,
Pí chhiò-chhiò kè-ji̍t khah iú-siān.
|
|
"Kìⁿ-nā lín ê kha-chiúⁿ só͘ ta̍h ê toē,
Goá lóng siúⁿ-sù lín,"
|
|
Kìⁿ-nā lín só͘ kî-tó lâi kiû ê,
tio̍h sìn sī í-keng tit-tio̍h,
chiū beh kā lín chiâⁿ.
|
|
Ná lâi ná kng, ū chi̍t tui kng,
Toà lâi sin sî-tāi ê sū-kng,
I chhē tio̍h sin sè-kài, khai-sí sin sè-kí,
Hō͘ sè-kài chi̍t-ê kà-sī: "Hiòng-chêng sái-khì, koh sái-khì."
|
|
Chhin-chhiūⁿ chiáu-á teh pe teh kiò,
Tī soè-soè ê chhiū-ki hio̍h,
I iáu teh chhiùⁿ, sui-bóng chhiū-ki toā iô
In-ūi i khò nn̄g-ki si̍t pó-sioh.
|
|
Chai-lān ê thòng-khó͘, kap siōng un-jiû ê khin-khoài,
Bô hui-siông ê thòng-khó͘, thài oē ū hui-siông ê hok-hūn,
Tūn ê sim-hiân boē hoat-chhut hô ê siaⁿ-ūn.
|
|
Toa chiong-kun, cheng-hok-chiá thâi-iâⁿ sī úi-tāi;
Phiàn-sin siū-siong, lâu-huih, thòng-khó͘ beh-sí, iáu teh thâi,
Piàⁿ-miā chiàn-kàu choè-āu chi̍t khùi ê, koh-khah úi-tāi.
|
|
I kiâⁿ thâu-chêng, goá só͘ an-ùi!
I kiâⁿ thâu-chêng, goá kap I choè-tui,
I kiâⁿ thâu-chêng, pó-chèng tit-kiù.
I kiâⁿ thâu-chêng, an-sūn siōng súi.
|
|
In-ūi goá í-keng ha̍k-si̍p,
put-lūn sím-mi̍h kéng-gū,
bô m̄ ti-chiok.
|
|
Kàu éng sè-tāi, thoân koa-siaⁿ,
O-ló Iâ-so͘ chi̍t lō͘ tài-niá.
Saⁿ-kap koh hoah chhut "Ha-lé-lú-iá"
|
|
Sèng-tàn mî ê chi̍t siú si:
Seh-kéng cheng-siaⁿ
|
|
Oân-choân ê kiù-un! Oân-choân ê kiù-sè!
Kiù chhut choē ê kè-hoān kap koân-sè.
|
|
Ū thiàⁿ lí ê chi̍t ê jîn-sū
Sī hit-ê siū-tèng tī si̍p-jī-kè ê Kiù-chú
|
|
Khó͘-lān boē siong-tio̍h lán, tng lán ēng un-jiû lâi tùi-hù.
|
|
Chi̍t ê Thiⁿ-sài khin-khin mn̄g chi̍t kù,
"Tùi bêng-á-chài ê sū,
Ūi-sím-mi̍h ài kè-thâu iu-lū?
Kiám-m̄-chai Thiⁿ-pē chai lí só͘ su?"
|
|
Só͘ khiàm-ēng I kiòng-èng bô tiu-tû,
Sui léng-hong chhe, sim-läi iáu un-loán kú-kú.
|
|
"kap ông khiā-khí, choè ông ê kang."
|
|
Kiám Iâ-hô-hoa ū choè-boē-lâi ê sū mah?
|
|
Tng lí an-chēng,
Lāi-sim ê lêng beh chhiong-moá hô-pêng.
|
|
Chi̍t-ê ho̍k-bū, thiàⁿ-thàng, khîⁿ-tiâu ê sim,
Sûi-sî oē thiaⁿ tio̍h thiⁿ-sài si̍t-kó͘ tín-tāng ê siaⁿ-im.
|
