台文通訊精選【前期文章索引】
姻緣阮是出世tī無仝ê所在， |
買田看田底，娶某看娘lé「買田看田底，娶某看娘lé｣是一句真有教育性ê台灣俗語。台灣人常常用這句話來教示kiáⁿ孫後代，處世待人對事應該有ê準則kap態度。 |
一個好所在有一個好所在，有山也有水，想beh紹介hō͘ ta̍k家知，這個所在tō是竹山。 |
阮ê故鄉----艋舺艋舺這個地名是按怎來--ê,無kā研究，mā m̄-bat聽起老一輩ê人講起。大人一日顧三頓，四界奔波無閑，抑是無觀念，根本to m̄知影ài關心家己ê故事，soah變成無重要無kā gín-á傳教。所以到taⁿ若有人問我講：恁hia為啥物叫做艋舺，我攏嘴á開開，m̄知beh按怎回答。 |
好問題，好答案加台會kap「台文通訊」十週年慶祝會最後一場演講請著金美齡女士。金女士參與台灣獨立建國ê運動已經真久，有人真早tō bat伊，知影伊tī日本所做ê chē chē代誌，但是mā有真chē人是通過小林善紀ê「台灣論」這本冊，才知影金美齡這個人。伊ê理念真明，mā真敢講話。特別tī新政府上台了後，有人認為台灣人已經出頭天，但是伊要求獨立建國ê聲音，不但無無去，而且lú來lú大聲。 |
Siàu念李友義李友義先生，我ê好朋友kap同志，今年八月初參加世台會tī巴西車禍過身。 |
你teh走私啥貨？Juan(讀作Hoan)騎一台新鐵馬(腳踏車)tùi墨西哥來到美國ê國境，伊肩胛頭phāiⁿ兩大包ê物件。過境ê守衛kā擋leh，問：「布袋內té啥貨？」伊應講：「土砂啦！」。守衛無beh相信，叫伊鐵馬停leh，「阮ài檢查看māi leh。」 |
人無照天理，天無照甲子（chí)近幾年來常常有teh聽講全球氣溫升kôan ê問題。因為人類使用能源以後所累積ê廢氣引起溫室效應，致使地球上氣溫不斷有升kôan ê趨勢。氣溫不斷升kôan會產生反常氣候現象。 |
Niagara Falls (尼加拉瀑布)曠闊ê溪 |
生日快樂時間過真緊，我ê gín-á Austin今年7月tō beh滿十歲ah！10冬前，伊比預定ê日子提早6禮拜出世，有6磅重。對早產ê gín-á來講無算輕，但是照規定伊mā tī保溫箱khǹg一暝一日才抱出來，m̄-kú隨koh發現有黃疸，抱去另外一間房間照紫外線，tī病院足足tòa一禮拜才抱轉來厝。也因為伊ê提早報到，真chē物件攏無準備好，car seat mā猶未買，真是腳亂手亂。我kā洗身軀，看伊小小瘦瘦，心內想ài等外久，伊才會大漢？ |
我看台文通訊我bat為台文通訊三週年紀念寫過一首短詩tàu鬧熱。He是1994年ê代誌，我tâⁿ-á接觸這份刊物無幾個月。若無記m̄ tio̍h，應該是李勤岸兄紹介我參加「台語網」電子郵便群了後就開始收著a。Hit期是第31期，由創辦ê靈魂人物之一鄭良光兄主編，社論ê主題：「意義kap意志真明ê台灣人」。Hit當陣台文界猶無台文Bóng報，無Tâi-ôan-jī，無蓮蕉花台文雜誌...等等。Ah自立報系出版ê台語冊猶未絕版，母語文ê網站無幾個。 |
生份人客舊年ê三月，阮tau來一位生份人客。這位人客真大扮，無受邀請tō家己chông chông入來。 |
飼狗有一個朋友，用gín-á ê角度寫一篇「飼狗」，分頂下篇刊tī「時行」17期、20期。伊真臭屁，送一個電子批講：「伊無意思beh講這篇文章寫了外好，只是認為台文應該開始脫離悲情、理論kap批評，應該有khah chē趣味ê文章寫出來才tio̍h，飼狗是這種性質ê文章」。我入去台語網站（www.daiqi.nthu.edu.tw）讀伊ê文章，確實真趣味，這種笑詼ê筆法，應該是台文另外一個發展ê空間。 |
阿母我ê老母離開世間，已經有十外冬lah，m̄-kú我猶原真數念伊。 我常常teh想，現在所選出來 ê“模範母親” 是beh按怎樣kap古早每一位老母相比phēng leh？現在“好媽媽” ê定義，是講，伊ê kiáⁿ兒有受著好ê教育，tī社會有好ê頭路，好ê地位，koh是真有錢，有名聲hō͘人thang欣羨ê。若是tī四、五十冬前，gín-á若會thang食三頓飽，koh有thang讀冊，有清氣ê衫thang穿，人就知這個gín-á真好命，有偉大、勤儉koh勇敢ê老父、老母teh培養、扶持。 |
名片「阿光，你有看著作咖哩餃ê鍾先生ê電話無？」阿碧一面翻手摺簿á，一面問。「無ah。」阿光對冊堆hia gia̍h頭應講，「你tō是物件攏無beh khǹg tī固定ê所在。」阿碧a koh去péng名片簿á，名片簿á真大本，內面ê名片五花十色，有ê是真熟ê朋友，有ê是kan-na見過一擺ê人。有ê名片真幼秀，有ê印kah全全是頭銜(hâm)，有ê真樸素、簡潔，有ê利用中西頭銜名稱ê差別，膨風kah hō͘人看著會起愛笑。 |
Gâu算我有熟悉一個朋友，非常gâu sǹg，啥物簡單ê代誌，若beh hō͘伊去實行，伊著按頭算到尾，thán直算，liâ橫算，péng過去也有話，péng過來也有話，一項明明真單純明白ê計劃，伊就kā lâ kah亂chhèng-chhèng。 |
Che心情，你敢知影？十八姑娘花當開， |
一張寄bē出去ê批Pâ a: |
阿姑我ê阿姑有一個真súi ê名「素燕」。伊ê人mā kap伊ê名相仝，真高雅。細漢ê時，阿媽猶tī ê，阿姑有時chhōa伊ê kiáⁿ轉來看阿媽。Tī我ê記池中，阿姑攏穿真合su ê洋裝，真美麗。伊是日本時代台南第二高女畢業，bat tī小學教冊。 |
台灣ê形容詞教台語ê老師kā學生講，台語攏總有七音，所以聽起來真好聽，是全世界上蓋好聽ê語言。續落koh講，台語ê形容詞比較級攏總有八級，英語kan-na有三級nā-tiāⁿ，是真有科學性ê。 |
火車細漢ê時，阮tòa tī台南，台北是遠遠ê所在。我有阿伯tī台北做醫生，有時阿媽beh去台北看in，爸爸tō chhōa阿媽去坐火車。Tī火車頭，我看火車拖長長，一直駛遠去，希望有一日我mā會tàng坐火車去遠遠ê所在。 |
自由ê光火真想bē到羅益世轉來加拿大已經有10冬ah！10冬ah...自從碧玲kap益世hō͘人tùi機場接出來... Tī hia歡迎ê布條寫講「歡迎加拿大ê民主、人權鬥士羅益世轉來」... Hit一日是禮拜日，in hō͘人直接送去教會... Tī pho̍k á聲歡迎了後，禮拜繼續進行，一位長老讀hit日ê經節，其中包括這句：「上帝已經拍折壓迫者ê拐」。 |
『當醫生遇見Siki』阮ê讀冊會，這個月讀ê冊是賴其萬醫生ê『當醫生遇見Siki』，猶未開始討論，就有人講起「最近醫生nái攏會寫冊？」是啊！讀冊會討論過ê醫生作家，tùi王溢嘉、候文詠、陳雷、王智弘到chit-má ê賴其萬，寫冊ê醫生確實愈來愈chē，但che並無表示醫生無顧正業，醫生ê khang-khòe所接觸ê，有in無仝ê一面，koh加in個人ê感情kap思考，表達hō͘咱ê是專業、豐富、koh有人情味ê故事，『當醫生遇見Siki』就是一本按呢ê冊。 |
楓葉轉紅ê時楓葉轉紅ê時 |
向鮭魚致敬鮭魚tī短短ê生命週期，m̄驚千山萬水路途ê遙遠，勇敢向前，無失志，m̄驚一切ê困難，抱著一般人對故鄉ê熱情，辛辛苦苦留傳後代，無怨無恨，壯烈來死，看了hō͘人感動koh感傷。 |
台語A B C，唱歌Lō͘ Lōe Mi話若講透機，目屎póe bōe lī。 |
Kám á店每一擺若想著細漢ê時，我攏會想著阮tau附近hit幾間kám á店，雖然in m̄是扮演真重要ê角色，總是，tī我成長ê過程，in攏恬恬tī hia。 |
牽手蓮治黃謝蓮治女士tī主後1934年5月15日出世tī台南市。老pē謝雍先生，老母謝蔡葉女士，有二男三女，蓮治是次女，排第二。 |
癭á若是bat tī台灣tòa過ê人，加減攏bat生過粒á，有ê大，有ê細，有ê紅紅腫腫無膿，兩三工就無代誌，總是，你m̄知bat聽過癭á無？Che是我tī高二hit年發生ê代誌。 |
我tī夢中teh哭我tī夢中teh哭﹔ |
來去Hawaii結婚！『Gokekkong Omededogozaimas! 』主持婚禮ê牧師照英文字母唸了，結婚結束啦！公司準備ê超大型ê limousine停tī門口; 一批出去，另外一批入來。入來到出去，前後bē超過30分鐘。 |
台灣ê好食物離開故鄉，來到加拿大，teh-beh三十冬。時間過了真緊，會記得tú來ê時，每日思思念念ê,tō是故鄉ê親人kap台灣ê好食物。 |
阿母a頂禮拜tī教會，阿母a the̍h 200 kho͘ ê加票hō͘我，講是beh捐hō͘｢台文通訊」做共同發行人ê基金。伊是讀著「台文通訊」80期，聰美基金會ê緊急呼籲，知影基金會ê經濟發生困難，tō自動the̍h錢出來。我本來有一點á躊躇，感覺hō͘伊老大人出錢無啥好，m̄-koh伊ê查某kiáⁿ壽惠講：「無要緊，阿母a有錢leh。」，而且che也是阿母âe一片心意，所以我tō代替「台文通訊」kā錢收起來。 |
月光暝好親像天頂 |
兩個語言，一間教會親像哈拿(Hanna)kap撒母耳(Samuel)第一次來到示羅(Shiloh)教會敬拜，阮相信上帝當teh tī這間細細ê教會創造一個奇蹟。這間教會是tī Vancouver(溫哥華)市郊，New Westminster市ê Sapperton社區內。 |
一間阿拉伯ê店Tī我khiā家ê巷á口，有一間雜貨店，是一kóa中東ê人teh經營。起頭，in接手ê時，是向白人買ê，所賣ê物件，kap一般超級市場所賣ê，並無啥物差別，牛奶、pháng、汽水、日用急須品，生理真冷淡。 |
春天ê花我tú tùi台灣過來，台灣chit-má是春天。陽明山規山ê花開kah足súi，我ê媽媽選tī這個日子來離開，相信是上帝替伊選ê日子，媽媽真親像春天。媽媽ê笑聲是春天ê溪水，chiah-ni̍h開朗、樂觀，hō͘人聽了真歡喜。 |
海外台灣人第二代ê台文兩年前有一日收著阮查某kiáⁿ寫來ê台文電子批。我讀了真感動，隨時叫阮某來讀，伊也讀了真順口，真歡喜。我今á日偷偷koh kā伊ê批tī chia介紹hō͘大家做參考。 |
想著hit當時台北車頭 chē chē人來來去去 |
我有一個夢我有一個夢： |
愛永遠bē soah按呢ê一張批，我早就想beh寫a，希望我所寫ê ，會tàng表達出我ê心意。 |
灌溉母語ê田園我tī市內大漢，m̄ bat做過sit 、m̄ bat種過田，不時聽阮翁講in莊腳人播稻á、搓草jōa辛勞、ak水灌溉jōa艱苦，聽bóng聽，無法度體會。一直到我有機會pih手ńg 、捲褲腳，潦落去田裡，家己tī日頭腳做sit，我才完全瞭解伊ê講法。 |
Vienna ê教會時常攏會聽著人講，Vienna是一個音樂都市，是一個真有氣質、真有水準ê所在。但是，真chē人m̄知影，tī chia mā有一間真有氣質koh有水準ê教會，就是歐洲唯一ê台灣基督教會。 |
保存主ê語言若是耶穌基督tī最近ê任何時間倒轉來這個小鎮，伊講ê話bē hō͘人聽無。 |
台灣人ê心靈雞湯北美洲有一本冊叫「Chicken so͘p」，我知影tī台灣有翻譯本叫做「心靈雞湯」，銷路非常好。當然這本是好冊，但是背景無仝，文化無仝。台灣人應該ài有家己ê心靈雞湯。無定咱會使試看māi，kā chia ê翻譯ê時間來寫也好，收集也好，用台文出一本台灣人ê心靈雞湯，由心起造。心若定，方向若正確，就bē去煩惱股票沈大海，bē受花花蕊蕊ê世界影響，文化也bē單單是檳榔擔ê看板。 |
Gín-á話嬰á tī成長過程中，加減會發生一kóa真趣味ê代誌，抑是會講一kóa聽起來是gín-á話，koh有淡薄á意思ê笑話。作父母ê，若會tàng kā chia ê代誌抑是笑話kā紀錄起來，將來gín-á大漢，kā in純真ê一面提出來kap in分享，確實是一個真有意義ê回憶。 |
馬偕日記 (二)9月26日，拜四 |
馬偕日記 (一)1872，3月9日，拜六 到淡水 |
我ê Sensei(老師)ê皮鞋真歡喜無張持接著我日本Sensei ê批，但是伊ê批同時帶來一個困擾。時間是1945;英國tú-tú轉來Singapore。我ê Sensei kap其他ê日本人hō͘人掠去關tī看守所。年輕ê新加坡人包括我在來非常掛慮、煩惱、迷惑、痛感阮ê命運，對一個殖民統治再轉變另外一個殖民統治。 |
走chhōe台灣kap我ê主體性真chē人問我tī美國主修啥？我定定會kā問ê人講滾笑，我tī美國主修台灣學。我會按呢講是因為來美國二冬lah，我開始重新熟sāi我以前大漢ê所在--台灣。雖然我無讀過『認識台灣』ê教科書，m̄-kú自從 1995 年我去DC chhōe一個台灣同鄉ê阿伯，hō͘阿伯掠去參加針對中國向台灣試射飛彈ê示威活動，我就開始修我台灣學ê學分ah。 |
啊若無欲按那？來去Hawaii，人人攏知有一個最有名ê Shopping Center叫作Ala Moana，咱台灣人嫌pháiⁿ記，攏kā伊唸作「啊若無欲按那！」 |
巢 (Siū)Chēng我ê阿爸第三次中風了後，m̄知是病情ê關係，抑是心情鬱卒，變kah無愛講話。大部份攏是用搖頭kap tìm頭來表示beh kap m̄，久久á才會出聲講一句話。 |
受祝福ê人生我ê kiáⁿ逸民，出世tī 1976年11月24日。伊出世ê時kap一般ê gín-á無啥物無仝款，目睭大大蕊，真古錐，七坐八爬，伊mā攏照步來。 |
江文也ê人生交響曲最近重讀「江文也的生平與作品」，心內koh一遍感慨萬千，真久真久無法度平靜落來。 |
失望、絕望、希望9月19我參加慈濟醫學kap人文社會學院ê師生為著土耳其(Turkey)地動救災ê街頭募款。一個下晡hō͘我對人生百態感慨萬千。 |
一生ê回想我tī 1904年出生tī台南市元月境街，我今年已經滿90歲，感謝上帝特別ê祝福kap照顧，hō͘我心神健康。 |
Tī 228 紀念碑 (2)Khǹg一枝百合花， |
Tī 228 紀念碑 (1)Khǹg一蕊黃菊花， |
避雨ê瞬間Tī今年八月初，有一暝黃昏時，也就是中國ê頭一隻船登陸加拿大溫哥華，約略一禮拜ê時，我kap先生tī暗頓食飽了後，出去附近行行。 |
幾chân生活記事人定定日子若是無閒，tō會bē記得thang欣賞身軀邊ê人、事kap物。我mā是tio̍h-ài定定提醒家己ài kā腳步pàng hō͘慢。 |
斑芝花Tī三月ê暝時 |
水牛伯a外出水牛伯a in tau tòa tī一條溪ê邊a，伊有一隻船，每一擺伊beh出外去辦代誌，攏駛伊ê船去。 |
真雅餐廳Tī多倫多ê市中心，óa近多倫多大學ê書院街(College Street)，有一間餐館叫做真雅餐廳。你若是tùi書院街向西行去，經過多倫多大學了後無外久ê所在，tō會看著一間有畫台灣地圖khang-páng ê餐廳，hit間tō是真雅餐廳。 |
齒毛台灣人有一句話講：「做著真齒毛」。這種用詞是其他東南亞地方ê人無ê，起源是日語khi-mo͘-chì，意思是真對同 (tâng) 、真爽快。 |
五角七仙 - Hō͘我感動ê故事查某gín-á盡全力到伊死前才khiām五角七仙，實在無法度算講五角七仙到底是『外-nih-á少 』，m̄-koh伊卻成做『hiah-nih大ê代誌』...。 |
最後ê hioh腳我規粒心所疼痛ê台灣a！ |
文旦柚芳三月轉去台灣，鄭雅怡老師邀請陳雷先生kap我去真理大學kap台語系ê學生座談。我雖然答應，心內想麻豆ê真理大學是beh按怎去？真tú好，tī成功大學ê海內外台文工作座談會，tú著真理大學ê校牧也是台語系ê系主任黃輝爵牧師，伊講你坐電車來『隆田』，我來車頭接你。 |
老pē ê搖kiáⁿ歌看著金kiáⁿ乖乖teh睏，心肝真歡喜； |
Embro ê馬偕博士我真榮幸來參加今á日ê特別奉獻禮。Tī恁ê歷史上，有一個真大ê榮耀，tō是上帝呼召恁ê子弟Rev. Dr. George Leslie Mackay 去Formosa，chit-má叫做台灣ê所在做伊ê工。恁無的確m̄知影這個名tī台灣hō͘人講起jōa-chē擺，伊受台灣人jōa大ê疼痛。 今á日，我beh恭喜恁教會為著伊tī台灣所做ê事工來舉行這個紀念匾奉獻禮。 |
跳舞時代大海翁 大海翁 |
鸚哥救火「用感謝kap慈悲所做ê事 |
客鳥頂禮拜三早起時，tú beh peh去三樓教室上課ê時陣，無意中，看著二隻鳥á，tī運動庭hia teh散步，chhōe物件食。這二隻鳥á生做真大隻，規身軀ê毛是烏ê chhap白，尾長長，頭殼額giâ kôan kôan，看起來不止á高雅。 |
你iáu teh等啥物差不多五六百冬前 |
顧更記大概á四十歲kha-tau ê阿伯、阿叔a，若是講bat tòa過草地，就知顧更是teh chhòng啥khang-khòe。 |
變行過曠大ê停車場 |
五王過海是眠夢半暝起床坐小船 |
懷古kap創新台灣文化ê提昇ham發ku̍t (掘)，常常有偏差ê觀念，就是過頭注重懷古，bē記創新。 |
濁水溪一邊流著清氣氣ê目屎 |
孝女ê願望美子小姐雖然真了解老母ê疼，但是對老母表現母疼ê方式，感覺真疑問。 |
飼kiáⁿ防老有一個老父真疼伊8歲ê查某kiáⁿ，見若有好食物攏beh留hō͘伊食。 |
古早阿媽ê故事半暝á，月娘ná會iáu未beh出來？外面ê冷風siù-siù-叫，大溝邊ê竹phō siⁿ-siⁿ-sōaiⁿ-sōaiⁿ。歇tī 柚á叢頂ê雞á真好睏，也無嫌竹phō siuⁿ吵，寒風siuⁿ大。土結á厝內底ê油燈閃閃sih，帶hō͘這個暗暝摸ê世界有淡薄ê火光kap燒lō。 |
咱做伙來拍拚Tī教育界服務將近三十冬lo͘h，攏m̄-bat chiah實在、chiah歡喜、chiah感動teh接近咱ê母語。學習母語確實是一項真有意義、真有價值、mā真有福氣ê代誌。 |
國語家庭ê悲苦劇Tī咱台灣殖民地ê歷史上，每一遍換頭家，就換一種「國語」-- 統治者ê語言。這種新統治者ê語言tī台灣人ê家庭內面所造成ê種種困難，往往就是台灣人對殖民地命運上界直接、上界切身ê體驗。 |
開放式ê家庭阿母tī厝後有種幾種果子，龍眼、木瓜、niá-po̍at-á...有ê已經真kôan大。Tùi我細漢ê時，這個小小ê果子園就攏是附近ê gín-á上愛來chhit-thô ê所在。Peh樹á､hàiⁿ韆鞦、bak土、扮家伙á ...，尤其若到熱人，koh khah鬧熱，因為有樹ńg thang歇涼，koh有果子thang挽。 |
古都情網半暝地動驚醒我ê春夢 |
我ê故鄉--艋胛我ê故鄉--艋胛，是古早台灣第三大都市，第一大是台南府，第二是鹿港，第三就是艋胛。有一句話teh講：「一府、二鹿、三艋胛」就是這個意思。 |
你去做兵舊年ê九月初一 你去做兵 |
心悶風若thàu 雲tō走 變做茫霧罩山頭 |
蟬á聲啊，蟬á叫ê聲。 |
日出ê故鄉東旁天色漸漸光 |
門內門外Tī我讀冊ê時，國民黨tī台灣推行ê國語政策已經真成功，特別我讀ê攏是女子學校，查某gín-á比較khah乖，khah聽話。「北京話」tī有心ê教育政策下面成做真普遍ê語言，用來讀冊、思考、寫文章。 |
安平港總是希望醫治好你ê症頭á |
楓樹葉á ê心事Tī山谷溪墘，有一片楓樹林，楓樹滿山坪。楓樹將根釘tī 山谷kap溪岸，樹根釘tī山坪，in食山坪谷地溪邊ê土水。阮是楓樹林身軀千千萬萬ê葉á，楓樹是阮寄生ê siū，透過楓樹，溪谷山坪是阮生湠ê本土，tùi樹根到樹枝，tī 楓樹ê身軀，細細ê毛毛ê水管滿滿是，細水管送阮按根來ê水，tùi土運來阮心愛ê礦物質。 |
黃昏ê故鄉收著台文通訊內心真歡喜，想beh giâ筆，又koh放落去。因為m̄-bat用台語文寫過文章，心內躊躇真久，最後，不管三七二十一，一面查字典，一面jiàu 頭殼，寄去才講，去hō͘阿惠a看kah一粒頭，兩粒大。 |
心事是啥物款ê暗暝 |
暗時ê後窗阿草伯每一擺若講著伊ê阿良，伊就掠狂；m̄是因為伊賣二分祖公á留落來ê財產hō͘伊讀大學，畢業了後koh賣二分地hō͘伊去讀碩士、博士leh m̄甘。伊是leh氣in kiáⁿ kā伊講，tī台灣做助教、講師升到教授ài真久，不如hō͘伊去外國the̍h博士，轉來就升副教授，會khah緊出頭天。 |
未忘花我tī台大病院作實習醫師hit年，工作真chē，學業也真重。Tī病院值班ê時，有時有護理系ê學生來實習。若是好運遇著好學生，伊chē少會kā咱幫忙抽血、量血壓……。 |
赤崁樓ê哀怨Ta̍k日我按你ê面前行過 |
阿爸ê鹿角薰吹阿爸有一枝鹿角做ê薰吹。He是阿兄tòa tī阿里山林場teh做集材工á ê時陣，tī山內khioh著一枝鹿á lak落來ê角所做ê薰吹。阿爸足愛hit枝薰吹，不時mā chah tiâu tiâu，一來會tàng pok薰，二來會tàng kā別人展，講：「Che是阮後生tùi阿里山gia̍h轉來ê。」 |
啥物人教你ê ？我出世tī一個典型ê台灣家庭，tī厝內父母當然是講台語。我ê阿兄阿姊細漢ê時tī莊腳tòa過，所以台語iáu 有十分ê把握，「國語」是tī學校才有teh講。我ê情形有一點á無仝，因為阿兄阿姊會ham我講「國語」，所以我講台語ê機會愈來愈少，甚至漸漸á老父老母講ê俗語也聽無，只有日常用詞才會曉。 |
了尾á我第一擺穿鞋á，是tī小學五年ê時。當時全校ê學生攏mā thǹg赤腳去學校，準去郊遊，抑是參加鄉里ê運動會，mā無人穿。 |
故鄉的ê田園白鴒鷥，腳長長，想beh相借問， |
Iáu是che上好我相信各位朋友若認真來學台文，半年、一年了後，讀台文就會比讀中文khah容易、khah順嘴，加真有滋味，到時你就會像我ê朋友按呢講：「Iáu是che上好！」。 |
一樣米飼百樣人以前有聽人講：「一樣米飼百樣人。」細漢ê時m̄-bat這個道理，chit-má大漢a，ná來ná會tàng了解這句話ê意思。是按怎會按呢講，實在是因為看tio̍h阮厝內四個兄弟姊妹ê發展才有這款感慨。 |
我beh學客語我希望有一工，我會使用客語來讀報紙，來kap苗栗莊腳ê阿公阿婆用客語開講，來用客語講「咱beh出頭天，台灣ài獨立！」 |
阮阿公七年前，1985年，tī眠夢ê時，我聽tio̍h阮阿公kā我講：「你beh，tio̍h khah緊轉來lo͘h，我食到94歲lah，我無法度koh等你。」醒起來，接tio̍h大兄ê電話，伊講：「阿公過身a。」 |
阿公kap驢á有一日，庄裡beh鬧熱，家家戶戶teh辦chheⁿ-chhau，阿公就chhōa伊ê細漢孫á做伴，beh去城內hak貨買物件。因為城內真遠，koh驚買了siuⁿ chē，兩個人the̍h無法，就牽一隻驢á做伙行，轉來ê時thang鬥載貨，in兩個人就m̄免kōaⁿ kah腳酸手軟，會kho͘雞bē pûn火。 |
感恩節ê祝福今á日是感恩節，透早起來，我就kap太太、gín-á圍tī眠床邊，回想這年來值得阮感謝ê代誌。阮大家輪流講，每一個人上蓋少ài講出一件伊心肝底上感謝ê事。 |
若是時間會倒轉去舊年我ê老母tī台北過身了，有一包身軀邊ê物件留落來。The̍h轉來加拿大了後，一直無去tín動。最近tháu開來看，內面一kóa舊物件kap相片、一張五十kho͘ ê美金、kap一張美國ê批，就是我二十七年前出國ê時，來到美國了後寫轉去ê第一張批。 |
牽手人講前世相欠債，我iah是beh問徹底 |
靜靜ê回想 -- 懷念王育德先生伊講出伊對台灣人ê文化戰場中ê一句真重要ê話：「我一世人總共構想台語ê標音法大概有七種，但是今á日beh kā大家講一句話：請恁kā我一世人所構想發明ê物件，lóng kā in放bē記得，大家lóng koh o̍at-tńg來使用咱教會一百外冬所teh通用ê教會羅馬字！」 |
The Island Nation 島國憂傷ê島國a，請你tiām靜mā kē聲chhoeh khùi, |
台文通訊發刊辭 - 按會徽講起…台文習作會自成立以來，按幾個á對台文普及化有使命感ê同鄉開始，每一次聚會ê人數攏一直teh 增加，到第六次ê時已經有十七個人參加。但是真正hō͘阮感覺歡喜--ê m̄是人數ê增加，是參與者ê熱情kap投入。Tī進入第四個月ê時，有會友提起辦台文習作會通訊ê構想。這個提議受著熱烈ê回應… |
