陳雷文選【前期文章索引】

寫hō͘ 學生朋友ê代誌 43 - 台灣 ê chiù符á2019.12.29

前香港銅鑼灣冊店頭家Lam 先生tī台灣媒體訪問內底講:台灣上大bē穩定ê來源是台灣人青盲接受中國文化. Koh講:假使這代台灣人bē-tàng克服這个盲點, in tō bē-tàng脫離這个bē穩定ê威脅. Che是真正確, 深刻tah心ê話. 真寶貴ê警告.

寫hō͘ 學生朋友ê代誌 44 - 黃昏美夢2019.12.29

咱人ta̍k瞑做夢, m̄-kú khah常是精神tō bē記得了了. 最近一个夢, 精神了, 夢--裡ê代誌, 對話, 景緻...前前後後清清楚楚, 實實在在, bē輸是tú-chiah ùi hit个現實ê世界轉來這个現實, m̄是做夢.

寫hō͘學生朋友 ê 代誌 40 - 台文羅馬字ê思考2019.12.29

Beh一百冬前, 蔡培火先生鼓舞羅馬字, 雖然無真成功, 是真有眼光ê看法. 今á日咱用羅馬字寫台文, 背景koh-khah複雜. 親像tah霧行船,目睭thí金, chiah bē 行m̄-tio̍h 路.

寫hō͘學生朋友ê代誌 42 - 奇巧 ê Axolotl2019.12.29

你敢bat聽過Axolotl這个動物ê名?若是m̄-bat也無奇怪. 因為伊teh-beh絕種, 是上嚴重危機ê動物.

寫hō͘ 學生朋友ê代誌 41 - 中醫ê危險性2019.12.29

最近有一節新聞. 立法院提案 “中醫發展法 ”, 撥錢推sak發展中醫. 我想這个法案有需要進一步考慮.

寫hō͘學生朋友ê代誌 37 - 講台語真 khú(cool)2019.12.22

講台語外khú? 我講真khú. 因為你ē曉講你ê pē母, 阿公, 阿媽講ê 話. 阿媽若過年kā你講:「阿明--a, 阿媽紅包hō͘你gâu大漢.」你bē 應講:「nî-chiâng-ser-moh?」

寫hō͘學生朋友ê代誌 36 - 我ê某阿tiⁿ2019.12.22

我ê某叫做阿tiⁿ, 看--起-來20 thóng歲. 路--裡看 tio̍h我 hn̄g-hn̄g tō 閃, m̄ kap我講話. 我想伊m̄愛hō͘人知影, 我是伊 ê 翁. 查某gín-á惜面皮驚見笑 ê 關係. In tau ê人mā仝款, 講伊iáu-bōe做--人. In規家攏真顧謙. 不過大家攏知影, 我是伊ê翁. 賣魚ê菊--a bat kā我講:「忠--a, 阿tiⁿ 講伊iáu未做--人.」我kā伊說明, 阿 tiⁿ驚見笑, pháiⁿ勢講. 我有去媽祖宮抽籤, mā是講 “天生注定”. In攏知影--lah…Ah無, 菊--a thài-ē當面kā我講 :「無彩一个好翁…..」M̄是講我是teh講啥人?害隔壁賣肉ê阿肥笑kah歪腰. In攏知影--lah….

寫hō͘學生朋友ê代誌 39 - 好額ê迷思2019.12.22

咱ta̍k日看新聞電視, 不時ē看tio̍h報告, 某一个國家今年總生產價值(GDP, gross domestic product)增加幾pha tú幾pha. 增加大家歡喜, 減少大家批評. 對GDP這款注重是現代政治經濟ê主流. Ùi美國, 石油錢淹腳目ê中東到飢荒ê非洲, 好額散攏仝款.

寫hō͘學生朋友ê代誌 38 - 關鍵物種2019.12.22

1969年 Robert Paine先生tī 美國加州海岸做一个真簡單ê實驗. Tī海漲kap退流ê水位中間有真chē種類ê生物, 包含海草, 無kha-chiah骨動物, 海星(starfish)kap giô-poe(mussel). In互相競爭, tī hit个小環境內底造成一个穩定ê, 特別ê生態系統. Paine kā海星ùi這个環境the̍h掉. Giô-poe無海星kā食, 失去控制, thòaⁿ kah一大堆. 別項生物失去生存ê空間. 結果tī一冬內, hit个範圍內ê生物種類失去 一半. 而且進一步確定, 若是kā海星koh khǹg倒轉--去, 生態tō koh回復. 伊kā 這个海星號做關鍵物種(keystone species).

寫hō͘ 學生朋友 ê 代誌 34 - 台灣ê原先住民2019.12.15

你敢bat 好奇想這个問題:台灣上早 ê 住民是啥人?In ui tó 位來--ê?Chit-má tī tó位?

寫hō͘學生朋友ê代誌 33 - 寫hō͘政治家kap選民ê代誌2019.12.15

Tī chia 咱講--ê是台灣 ê 政治. 政治家kap選民仝款, 所考慮--ê是個人ê利益 kap 政治理念. 有人khah注重利益, 有人注重理念, 比例個人無仝. 真chē 人主要為tio̍h名利, 真少100 pha為tio̍h理念 (特別是政治家) . 這點相信大家同意.

寫hō͘學生朋友ê代誌 35 - 科學ê奇境2019.12.15

近代文明一个上重要 ê 成就 tō是科學ê建立kap應用. 伊m̄-nā 改變人類依活ê環境, 擴大咱對自然界ê瞭解, 而且影響人內在ê心靈.

寫hō͘學生朋友 ê 代誌 31 - 散鄉ê滋味2019.12.15

1950, 60 年代 ê台灣 kap chit-má 比較起--來, 是一个真散鄉ê所在. 讀台大ê時tòa學生宿舍, tī 宿舍餐廳包食. Ta̍k日早頓食ám-bê, 配一角豆乳ia̍h是一tè 蔭瓜 á, 兼差不多 20 外粒sóa 鹽ê土豆. Ám-bê煮kah水水水, bē止iau.

寫hō͘ 學生朋友ê代誌 32 - 物理ê世界2019.12.15

物理ê世界表面看--來是真複雜無仝 ê 現象, 包含各種無仝 ê元素(element), 物質 (matter) , 星體, 能量( energy), 甚至時間.....不過近代400 冬科學 ê 研究證明, 伊是一个真規則 ê 世界, 攏總遵守幾條基本簡單ê規則. 你若是物理學家, 甚至ē-tàng kā 所有ê現象, ùi上小 ê Q子(qoark)到上大ê宇宙, ùi咱所知上早ê時間 (宇宙出世) 到上尾ê時間 (宇宙結束), 用一條tn̂g-tn̂g ê 數學公式表現出--來.....Che 敢m̄是一个奇蹟?

寫hō͘學生朋友 ê 代誌 30 - 咱人ê視界2019.12.08

咱人紅嬰á出世ê時, kan-nā知影iau tō食, tâm tō háu. 伊全部ê世界tō是單單家己一个. Che tō是紅嬰 á ê 視界. 過--來khah大漢, 開始注意tio̍h伊ê老母, 身邊ê人, 伊所關心注意ê代誌發展到厝內. Lú大漢漸漸範圍lú闊, ùi家庭到學校, 到社會國家, 到世界宇宙. 總--是因為教育, 環境無仝, 人人視界發展ê範圍也ē無仝, 有人khah闊, 有人khah e̍h.

寫hō͘學生朋友 ê 代誌 29 - 台灣ê大禮2019.12.08

台灣人真gâu做生理, 全世界走透透. 真少 ê人口開發真大 ê 世界市場. Che m̄是近代 chiah有ê成就. Kā你講你也m̄信, che是chēng古早古早tō有ê傳統, 生tī台灣人遺傳ê基因內底.

寫hō͘學生朋友 ê 代誌 28 - 台灣路2019.12.08

過--來 ê 50 年, 對台灣影響上大 ê應該是地球 ê 環境變化.不過che m̄是咱今 á日討論 ê 問題. 咱beh講 ê 是台灣 ê 政治環境.

寫hō͘ 學生朋友 ê 代誌 27 - Ayapa話死ê時2019.12.08

Ayapa話死ê時, 一葉樹葉á tī樹林內poa̍h--落-來. 無聲無說. 無人oa̍t頭, 無人留目屎, 無人tio̍h驚.

寫hō͘學生朋友 ê 代誌 26 - 黃昏ê故鄉2019.12.08

最近聽tio̍h 2 節關於文夏 ê 新聞. 一節是伊92 歲破病入院, 一節是tī 台南beh起一間音樂館紀念伊. Hō我想起 18冬前, 代表台文通訊 tī台北訪問伊kap in某文香 ê 代誌. (“人生歌王”刊 tī台文通訊86期. 2001 年4 月份 )Hit時我chiah 知, 伊原名叫做王瑞河, kap我仝故鄉麻豆人.

寫 hō͘學生朋友 ê 代誌 23 - 道德 kap心靈ê價值2019.12.01

人kap 動物一項真大 ê 差別tō是人真gâu 合作. 合作chiah ē-tàng維持和平, 完成代誌.人ē-tàng射火箭, ài靠幾萬人合作. 猩猩ē曉合作掠猴, 相戰, 但是限tī仝陣內底合作, bē 超過 10 外隻. 幾十萬隻káu-hiā ē合作完成一項天生固定 ê代誌, 別項無法度. 現代人合作 ê 基礎有 3 項:真明顯 ê共同利益. 除了這个以外, 靠制度 ê 規定(包含法律)kap道德 ê 約束. 咱無法度kā所有大細項代誌寫做法律, 規定 ê 制度, 親像對朋友 ê禮貌態度, che tio̍h靠道德 ê 約束.

寫hō͘學生朋友 ê 代誌 21 - 日常科學2019.12.01

人類 ùi 20 萬冬前非洲 ê 出生地開始到taⁿ, 伊 ê 身軀遺傳基因 ê 變化真小. Kap che比較起--來, 伊 頭殼內思想 ê 變化ē使講是真大. 現代 ê 科學家 ē-tàng 計算宇宙 ùi 出世 ê 目nih (35 位小數點以下 ê 一秒)到 chit-má 宇宙擴張 ê 速度, ē-tàng 計算電子(electron)ê 重量 (9.109 x 28位小數點以下 ê 一公克). 親像奇蹟.

寫hō͘學生朋友 ê 代誌 25 - 狗 kap人2019.12.01

前--a阮tau 有飼一隻軍用狗, chēng狗 á kiáⁿ ùi 朋友hia抱--來-ê. 阮kā 伊號名 Wolf .大漢了大chhiâng koh勇壯, bē輸豺狼. 性地mā 足chia̍h-ngē, 啥物攏m̄驚. 有一擺受氣kā一枝椅á腳咬咬斷. 所以阮m̄敢hō伊見生份人, 罕得chhōa伊出門, 攏關tī厝--裡, ia̍h是放tī後壁埕, 圍牆 á 圍--起-來.

寫hō͘學生朋友 ê 代誌 22 - 民主kap獨裁2019.12.01

寫hō͘ 學生朋友 ê 代誌 24 - 寫台語文學ê滋味2019.12.01

經過勇敢無停ê 拍拚, 到taⁿ 真chē人用台文寫小說, 戲劇, 詩, 甚至論文. In用幾十年被禁聲 ê 母語, 被禁寫禁讀有百外冬歷史 ê 白話字, 寫真好, 真有特色 ê 文學. 正港 ê 台灣文學.

寫hō͘學生朋友 ê 代誌 16 - 台灣阿母2019.11.24

台灣是一个海洋國家, 目睭看世界. 自來台灣人愛出去外國留學. 日本時代去日本, 60 年代去美國. 經濟發展了後, 有一站時行送gín-á 去美國, 加拿大留學讀中學, 叫做小留學生. 因為攏iáu 幼齒, pē母 bē放心, 所以真chē有大人陪in來留學, tòa做伙照顧.

寫hō͘學生朋友 ê 代誌 17 - 省立台南第一中學2019.11.24

台灣南部上出名 ê 中學 tō 是台南一中, 以前全名叫做省立台南第一中學校. 日本時代叫做台南二中, 是台灣gín-á 讀 ê 中學. Chit-má ê 台南二中是hit時 ê 一中, hō͘ 日本人讀--ê.

寫hō͘學生朋友 ê 代誌 19 - 年歲人生2019.11.24

我講年歲lú chē人生 ê 滋味lú kāu lú 甘, 敢m̄是?最近kap 阮牽 ê 慶祝牽手50 年, 敢m̄是比20 週年khah甘khah tiⁿ, koh-khah 有感受?當然人生有甘也有苦, 親像失去親人 ê 苦. 卻是年冬累積, 苦--ê 漸漸淡薄--去, chhun甘味 ê 記持. 有時淡薄 á苦ē hō͘ tiⁿ味koh-khah tiⁿ.

寫hō͘ 學生朋友 ê 代誌 20 - 地球 ê 條件2019.11.24

這个 是上蓋大 ê 問題, 不過也上蓋ē hō͘人忽略無看. 因為地球 ê環境真大, 咱個人做 ê 代誌往往看bē出--來即時直接 ê 影響. 不過科學 ê 研究調查, 證明人造 ê 因素已經對地球 ê 環境做成真傷重 ê 破害.

寫hō͘學生朋友 ê 代誌 18 - 台灣話 kap 台灣字2019.11.24

Che 是一个khah 複雜但是真á重要 ê 代誌. 複雜因為牽涉tio̍h 台灣 ê 歷史, 重要因為伊規範台灣人 ê 定義. 無台灣話, 無台灣字, tō無台灣人這个概念.

寫hō͘學生朋友ê代誌 12 - 台灣精神2019.11.17

啥物是台灣精神?簡單1, 2 句話來定義無啥容易. 總--是你有tú--tio̍h ê時, 隨時tō 認ē出--來, 講:「Che, tō是台灣精神.」像排隊thiah車票, ba-suh頂讓位hō͘人坐. 當然mā有一寡代誌khah bông霧, 無一定一目tō認--出-來.

寫hō͘ 學生朋友ê 代誌 15 - 差一sut-á ê故事2019.11.17

He飛龍機lin-lin-lòng-lòng 炸彈tàn-tàn--leh tō 走. Liam-mi空襲解除, 大家 thó͘ 一个khùi ùi防空壕出--來. 轉來到厝, ai-io-ôe, 厝無--去-a. 炸彈lòng 一个大窟, 火iáu teh燒. In母--a 驚一下腳nńg un--落-去, 嘴直直念:「 差一sut-á...... 差一sut-á....」

寫hō͘學生朋友ê代誌 13 - 唱歌ê運河2019.11.17

有歲 ê 台南人大概攏知影Sa-kha-li-bah, khah早市內食物上出名 ê 所在. M̄-nā好食koh 俗, 幾lōa十擔據在你kéng, 上特別是伊 ê台南味, 別位無, ….. 鱔魚麵, 粉圓á, 鼎邊sô, 棺柴板(pang)…..in是啥物, 我暫時仙機無漏洩, 請你家己去瞭解. 外地 ê 朋友若來sio-chhōe, 上夠禮tō是 ’ 我chhōa你來去Sa-kha-li-bah ’.

寫hō͘學生朋友 ê 代誌 11 - 最後 ê Ayapaneco人2019.11.17

Tī墨西哥南部Tabasco州有一个真細 ê 庄腳叫做Ayapa. 庄頭一間西班牙式 ê天主教堂, 叫做Santouario De San Miguel Arcangel. 教堂正面kap雙pêng ê壁tīⁿ-tīⁿ五花十彩 ê畫, 是傳統Ayapa ê工藝, hn̄g-hn̄g看bē輸立體 ê花園.

寫hō͘學生朋友ê代誌 14 - 美麗Jamaica2019.11.17

好天 ê日Jamaica ê海幾lōa色真súi . Óa岸khah淺有沙 ê 所在若綠寶石 ê 草綠色, koh出去生海草 ê 所在是藍寶石 ê 青藍色. Khah深有珊瑚chiau ê 海面是深藍色. Jamaica 海岸 ê 珊瑚chiau真大片, 世界出名.

寫hō͘學生朋友 ê 代誌 4 - 有hīⁿ 無嘴2019.11.10

你大概bat 聽大人講‘gín-á 人有hīⁿ 無嘴’ 這句話. 意思tō是, gín-á 聽大人講話, ē使聽bē使khioh去烏白講.

寫hō͘學生朋友 ê 代誌 7 - 賴皮2019.11.10

古早日人時代, 咱台中有一个大好額人名做賴皮. M̄-nā 田園真chē, 市內規chōa 街á mā 攏賴--家ê. 聽講ùi in阿公賴鐵, in老pē賴釘tō真gâu hak田買厝, 所以賴皮是好額第三代. 講著賴--家,台中無人m̄-bat.

寫hō͘學生朋友 ê 代誌 6 - Nancy遊台灣2019.11.10

古錐 ê Nancy tī 美國出世, chēng 細漢 hō͘ 阿媽chhōa, 所以英語以外, 台灣話mā真gâu 講.

寫hō͘學生朋友 ê 代誌 3 - 阮台北阿媽2019.11.10

阮阿媽人上蓋好性, 不時輕聲細說, 面á笑gi-gi, m̄-bat看伊受氣pháiⁿ聲sàu. 一世人kan-taⁿ 二項欠點, chēng 少年ta̍k日愛suh 水薰吹,食肥豬肉.

寫hō͘學生朋友 ê 代誌 8 - 阿添伯2019.11.10

台南水仙宮邊--a 巷á 底tòa一个人叫做阿添--a. Ta̍k日透早擔一擔菜去水仙宮邊賣. 半晡菜賣了轉來厝--裡, êng-êng 無代誌. 門口pok薰e 弦á. 雖罔趁無啥錢, 也是ta̍k日度三頓悠仙無煩無惱.

寫hō͘學生朋友 ê 代誌 2 - 相片2019.11.10

細漢ê時朋友定定ē問我:「你thài 無老pē?」我tō應:「我有老 pē.」朋友koh 問:「Ná-ē 攏m̄ bat看tio̍h伊?」我講:「伊出外去.」

寫hō͘學生朋友 ê 代誌 10 - 咱hia菜寮溪2019.11.10

台南縣有一个小庄腳叫做學甲, 以前是種甘蔗, 荖藤豐富ê所在. 有一chōa 細條溪ùi hia經過, 叫做菜寮溪. 聽老大人講, che溪過去也有一節心適ê故事.

寫hō͘學生朋友 ê 代誌 9 - 故鄉台南2019.11.10

我細漢tī 台南讀成功國校, 離阮tau 行半點鐘tō ē到. 學校有一个bē小ê 運動埕. 埕尾出--去相接tō是一chōa koân-koân ê 磚á壁. 四四角角圍做一个城堡. 有ê所在khih角pháiⁿ--去-a, m̄-kú看--起-來真勇. 城頂面一間koân-koân ê樓á厝, mā是四四角角, 全部土紅色ê 壁. 厝頂尾四个khiàu--起-lih ê 角, bē輸一間廟.

寫hō͘學生朋友 ê 代誌 5 - 秀姑戀山2019.11.10

世界每一个民族攏有伊開創 ê 神話. 咱台灣koân山真chē, 有个勇壯, 有个優美. 所以關於山 ê 故事mā是bē少--lah.

寫hō͘學生朋友 ê 代誌 1 - 九份2019.11.10

九份ê小路gia̍p tī 半山, 彎彎khiau-khiau, koân-koân kē-kē, 不時人客真chē 真鬧熱. 我上愛九份 ê 蕃薯糖, tiⁿ粉圓…

寫hō͘學生朋友 ê 代誌 - 話頭2019.11.10

Chia ê 是一寡過去 ê 經驗, 聽--來 ê 故事, 實用 ê 觀察, 哲學 ê 思考..... té-té ê 話仙, 小小ê 故事, 簡單 ê 報告.....

茶(二)2010.09.05

不而過有一項代誌tī我頭殼內khok-khok se̍h,se̍h bē停。專工去chhōe家成,阮阿叔ê孤kiáⁿ,講hō͘伊聽。伊驚一tiô,才ùi頭到尾,講古早阮阿叔少年hō͘人掠--去失蹤ê係項,真是傳奇。以前阮老母chē少bat kā我講起,kan-na含á糊一個印象,攏是nauh一個頭,m̄敢講詳細。

茶(一)2010.08.22

阮厝邊昭德老師khah未60,頭毛白蒼蒼,bē輸70外,已經退休3冬。規日îng-îng,食飽泡茶,行棋話仙,是阮南都棋社上蓋熱心ê社員。棋力bē bái,全市象棋比賽bat著冠軍。

百萬春風2010.08.15

這台『百萬春風』,阮公司慶祝春風牌腳踏車第一百萬台特製--ê,規台金sia̍k-sia̍k,全部thai-than-niu( titanium ),han-to͘-luh tǹg四個金字『百萬春風』,頭尖尾尖súi當當,超流線形,騎--起-來sù-sù叫,bē輸teh飛風走o͘-to͘-bái。Ùi台南騎轉--來,沿路天清若海,人攏oa̍t頭過來看。轉來到六甲,厝邊gín-á相爭圍--來,一人摸一下。阮母--a講:「Taⁿ你mā好--a,借Kha-chuh騎--一-下。」Kha-chuh tō是隔壁阿贊in後生,人小寡tòng-gōng,pái一枝腳,上蓋愛騎車。

Thâi好--a2009.05.31

已經破病冬外--a,醫bē好,lú來lú厲害。這個進前,人好好ê時,súi有出名,阿富時常來tshuē--伊,對伊有意思。Tsit-má看--著tō走,概成刁工teh閃--伊,驚hō͘伊uè著病。M̄-kú這點明星心內明白,有一個解說。M̄是阿富m̄愛--伊,是伊人細字,驚人看--著ê關係。

2009.05.10

普通穿西裝ê人罕得chah槍,tú-chiah伊有看--著,明明kha-chhng頭藏一枝té槍。這個掛lô͘-lê-á錶、結ne-khu-tái ê紳士,皮鞋金tak-tak,koāi°著椅á腳,差一sut-á poa̍h倒。注死衫á尾掀--起-來,hō͘伊看--著。Soah oa̍t頭過--來,hoah一聲:「你teh看啥siâu?」惡死死,目睭beh thâi人。害伊趕緊頭chhih-chhih,tàm--落-去,ka-pi一直lim,tèⁿ無聽--著,準無看--見。

身世2009.04.18

進前,阿月有tī--leh ê時,阮tī hia tòa真久。大路koh過--去,離市á無外hn̄g hia。厝足大間,牆á壁圍--leh,頂頭一chōa紅花,足好認--ê。Óa壁一欉chhêng-á,khiau-ku khi一旁,樹ōe tàm--落-來,sôe tī牆á外。過路狗ùi hia過,食飽siuⁿ-êng,看bē做--得,無歡喜會pūi。我若peh起lih樹á頂kā看,he狗tō lú無歡喜,pūi lú大聲。阿月m̄愛人吵,牆á內hoah,狗tō tiām--去。

大樹公2009.04.12

咱這個小所在西港,bi tī曾文溪南旁,óa溪á出口ê所在,不時風大水大。北旁有一間將軍庵,西旁有一間鎮海宮,討海人迷信,靠in保庇。M̄-kú,日本時代以來,老大人hit輩親像阮阿公、阿媽,也有人拜大樹公,仝款迷信,不過有一個心適ê因緣。

最後ê玫瑰2009.04.05

有一擺伊愛真深,欠憾也真久,若精彩ê小說內底teh寫hit款。了後有一chām,bē輸pak肚內生一粒膽結石,無去手術the̍h掉,不時心糟糟,giâ--起-來ui-ui-á痛。

聖徒保羅2009.03.29

「萬億集團」其實資產khah無一億,有錢人號名愛膨風ê關係。簡董--ê in某西絲,好額人pak肚肥肥,面á油油,嘴唇不時胭脂紅ki-ki,厝--裡接電話,攏先應「阮chia萬億」。這個名叫慣勢--a,出門入門自然是萬億ê扮勢。

演講家2009.03.22

民族路教會其實m̄是伊ê建築本身出名,已經百外冬--a,日本人進前tō有。出名--ê是hit個新來ê陳牧師,人肥肥、嘴闊闊、phīⁿ獅獅,真gâu講道理ê關係。台á頂講著作人ê道理、是非ê教示,he聲hoah起hoah落,牽長牽té,bē輸teh唱o͘-phe-lah 。

Pháiⁿ嘴2009.03.15

萬--a tī黎明國小教音樂,人是bē bái,tō是hit枝嘴bái。特別be-a-luh lim--落-去了後,hit枝嘴bē輸he屎ha̍k á空,見講tō是臭ko͘ⁿ-ko͘ⁿ--ê,定定按呢得失人。

Tì帽á ê人2009.03.01

Hit個惡夢已經來幾lōa擺,這chām khah chia̍p。龜怪--a,伸手去摸,he頭毛tō一枝一枝lak了了,變作完全ê禿頭。驚一下醒--來,身軀猶teh拚chhìn汗。趕緊peh起來照鏡,電火拍開,好得佳哉,一簇花花,猶koh tī hia。細字用手去so,好勢好勢,一枝一枝在在,tī頭殼心hia。Koh算一擺,攏總原在156枝,一枝無減。攏是阿玉á可惡,平時m̄-bat kā鼓勵,顛倒攏teh kā phí-siùⁿ:割chhun ê久菜尾,koh發也m̄成物--lah。也是有影,kā看,he毛ta̍k枝黃酸黃酸,bē死bē活。不而過伊有堅持,已經進入嚴重危機ê階段,這個最後防守ê戰線,絕對bē使失敗。

出外人阿燕2008.12.14

幹,早tō知知--lah,成實偷走--去-a。Che越南á bē信用--得。阿月講,早起出去買菜,過中tàu猶未轉--來。Tú-chiah才khà電話入--來,m̄知ùi tó位khà--ê,講伊m̄轉--來-a。問伊人tī tó位,攏m̄講。幹,按呢tō走--a,hō͘-liu soan入去臭溝á水,chhōe無--a-lah。

講古小火車2008.11.22

人講阮二姨少年ê時生作真súi,一世人無嫁。阮母--a chi̍t-má 70外--a,見講著伊,tō坐hia怨嘆:「家己gōng--lah。」chēng 細漢in二個上蓋親貼ê關係。To也beh 60冬--a,在我chín kā想--起-來,hiàng時一個查某gín-á,才12歲niā-niā,按呢無tek確m̄是gōng,也m̄是真狗怪,減彩顛倒會使講是giám-ngē koh tēng-chiⁿ,比一個查甫人khah敢擔當。

一面緣2008.11.16

一大陣人插插直直chiⁿ--來,雄雄後面有人大力kā伊chhia--一-下,tú-tú sak上車。這班m̄是伊beh坐--ê,伊teh等落南。趕緊beh跳落車,已經bē赴--a,車門關--起-來,車teh起行。窗á外一個查甫人,龜怪--a,tòe車teh走,hia̍h á拚汗,目睭gîn-ò͘ⁿ-ò͘ⁿ若鬼á火teh jiok--伊。

我beh hō͘恁知2008.11.09

雄雄身軀通電,腳手麻一下,頭殼內大聲hoah:「擋車!…緊擋車!…」真知tō beh出代誌,已經bē赴a。Tú衝過十字路,車tō cheng來,ùi巷á口chông出來,無顧看,tú-tú好pâng一下chiⁿ著車尾。幹!新牽車tō食pōng,今á日注衰。

Tak牛káng2008.10.26

阮阿公名寶,kan-na阮阿媽叫伊這個名。庄--裡ê人攏叫伊「牛伯--a」,大概是伊生作四壯,烏koh大欉,pak肚圓圓若牛ê關係。上蓋好性地,不時笑gi-gi,bē輸五歲gín-á,m̄-bat看伊受氣--過。

美麗世界2008.10.19

伊phak tī土腳ná chhê,若一隻近視ê四腳水雞,面tu tī電視頭前,tòe紫薇小姐ná唱「愛你愛到chia,咱已經無相欠,枉費一場青春夢,…牽你ê雙手,m̄願kā你放,m̄甘看你目kho͘紅,…」

飛星2008.07.02

阮二姊一世人相信運命,人生萬事早tō注定,據在你外gâu,hō͘你bē計較得。聽伊解說,概成相當有理,攏是親身ê經驗。

紅牡丹2008.06.15

以前愛khiā-koân,ùi九份看基隆港ê海岸,hn̄g-hn̄g半個圓,闊闊若畚箕嘴。好天黃昏ê時,海港外口ê龜山,反射著nńg-chiáⁿ ê西照日,概成一tè變魔術ê大鏡,港--裡ê水tō雄雄反紅若牡丹。Chit-má罕得khiā-koân看,因為溢tī心內底,基隆港ê水色永遠chhiⁿ-chioh若紅牡丹。特別是八堵ê阿婆月梅,hit一日已經親嘴kā我講過,in去chhōe伊ê時,港裡ê水色bē退,mā是紅ki-ki若牡丹。

抗爭者2008.06.08

這個龜怪ê抗爭到底tiâng時起勢(sì),真pháiⁿ確定。有人講,in水a年初破病hit時開始。有人講m̄是,3月19日阿扁a hō͘人tōaⁿ槍開始ê。Hit chām媒體chhiāng-chhiāng滾,mā有人賴講是電視看了siuⁿ chē。不過終其尾來,大家攏真知,花a成實有siáu。Ah無,thái會三巡告去到最高法院,攏判thâi人無罪。

祈禱2282008.06.01

三月a,
雨為啥物koh落 ?
街路染紅,
血色ê記念洗無清氣。

PP基因2008.05.18

這種人有一款特別ê氣味,牽豬哥ê財--a上蓋瞭解。生--出-來tō有,人講是基因ê關係。這二個雙生出世ê時,in老pē看一眼、phīⁿ一下、hoah一聲「害」,頭oat--leh出--去,自按呢無koh轉--來。In老母頭一胎生雙生,差一sut á難產生bē出--來,血直直拚,據在嬰á khàu一晡,佳哉才返魂倒轉--來。

美麗國家2008.05.11

咱ê國家
美麗台灣
太平海洋出炎日
蓬萊島嶼萬年芳
代代辛勞
人人拍拚
伊是咱祖先ê美夢

Thâi狗2008.05.04

Hit日,七堵kap八堵仝款,死真chē人,攏死了足雄koh足chheⁿ-cho̍h,有ê連棺柴to無。無人料想會到,比狗死khah chē。老大人講,古早日人(jîn)時代chi-bu-suh大流行ê時,mā無chiah慘。我想,攏是為著狗ê關係。Hit chām,七堵ê人kap chín仝款m̄甘狗。m̄-kú,和平、永遠、清天……in無飼狗,tī廟裡燒香求保庇mā是死;金蘭a伊進前狗á已經牽去a,無koh再飼,mā是死;koh阮七堵ê美人秋月,伊有電頭鬃,āiⁿ嬰á猶未度chè,死tī水窟á邊,幾lōa工無人看著。大人攏m̄愛講,罵阮gín-á人m̄通烏白問,烏白聽。莫怪這個誤會chiah深chiah久。

會使拜拜2008.04.27

這個世界,
thâi人為著愛,
因為尊敬上帝,真愛A-lah,
tī街á,tī市á,tī大寺,
大人gín-á pōng hō͘碎碎,
恁看,上蓋chhiⁿ ê肉掛骨掛血,
大tè細tè,肥ê chiaⁿ ê攏有,
iā tòa土腳tō會使拜拜鬧熱,
m̄免煮熟,香m̄免插。

虎姑婆2008.04.20

美國加州南部這個所在氣候熱,koh定定有地動,所以台灣人來chia tòa攏會慣勢。Los Angeles本地免講,tī四圍附近親像Irvine這個所在,tō真chē台灣來ê移民tī hia作生理食頭路。

傳道者2008.03.23

盧重義長老今年74歲,作人樂觀,身體猶足勇健,不時家己一個出國,四界去旅行。不過伊有一個習慣,tō是遊覽愛兼傳道,去到tó位,有機會tō講福音hō͘人聽。少年ê時,bat去巴西作生理移民,tī hia tòa過成十年,也看過真chē艱苦人想bē到ê悽慘代誌。這個習慣大概tō是hit個時陣tùi hia開始ê。。

主席萬萬歲2008.03.16

這個人口真chē ê國家有一個大獨裁者,一人統治已經20外年。Tī國內,伊ê地位bē輸人間ê神明,講烏tō烏,講白tō白,全國攏無人kap伊有無仝款ê意見。伊ê正式稱呼簡單叫做“偉大ê主席革命ê舵手萬歲萬萬歲”。

阮hia菜寮溪2008.03.09

我ê朋友登科a知影我hit chām心情無好,不時家己一個關tī厝內,專工招我去peh阿里山,suh空氣看大欉樹,講是浸森林浴,洗洗leh心情tō會輕鬆。Che阿里山我蓋久無來a,學生時代高中畢業旅行ê時bat來過。Hit陣我kap登科a仝班,坐隔壁,上蓋相好搭bā。這日雨sap-sap滴,無啥人客,林場ê小火車頭猶tī hia,koh過去tō是林場ê員工宿舍,柴pang釘ê,一chàn一chàn順he山phiâⁿ起lih。

謀殺者2008.02.10

Hit個gín-á hō͘人按圳溝救起來hit日,in老母kā伊lám leh meh-meh-khàu m̄放,bē輸真知影,若放去tō會koh無去。按呢mo͘h一暝,隔轉早chông去仙公廟燒金,kā神明chiù-chōa下願,ùi這日起ta̍k日敬神拜佛食長齋。In老pē chhoân一副豬心豬肝,一隻蕃面鴨角,koh一擔官田ê菱角去金印a in tau,kā伊拜kā伊謝。“這個國生a我生ê,m̄-kú是你才有ê 。”這句話講四、五遍,招伊結拜換帖作兄弟。

約束2008.02.03

頭gia̍h起來e5hit時,火車已經teh tín動起行a,tú-tú好面對面影一下,目睭相咬,心肝íⁿ-á chhia̍k一tiô,奇怪a,這個查某gín-á,現現tō生分無熟sāi,thài目睭會講話,teh問伊:「你敢會認得我?」

逃犯2008.01.27

警察講是我thâi ê,新聞mā攏按呢報,koh有hip喜a ê相出來。看起來無啥sêng,喜a人加真少年,mā khah好看。M̄-kú確實m̄知影是啥人thâi ê,到taⁿ kan-na會記得,醒來ê時,我雙手攏是血,穿一領內褲khiā tī hia。

下晡一齣戲2008.01.20

12點到,伊家己會來,入去sòa尾間病房111號,無聲無說,連開門也無人看見。總是,來進前攏先有一個特別清涼ê芳味,像三月咱the̍h á種ê柚á花,一陣一陣。倒tī眠床鼻著,tō會精神醒起來。Mā有看著伊ê面,若十五暝ê月,溫柔光iāⁿ,才30出頭niā-niā。

死人戲2008.01.13

Hit暗伊第一遍親目看人死去,tú-tú對對tī伊ê面頭前。Hit個煌a ê頭殼kap面hō͘槍pōng pháiⁿ去,血kap肉幼á phùn著伊ê衫,chhòng lap-sap去。不而過因為死了siuⁿ緊,前後一個目nih niā-niā,所以經過看也無詳細。「死tō是按呢o͘h。」Che是伊hit一暗tī謀殺現場ê印象,算起來已經beh 20冬a。Hit時伊tú-chiah 19歲,Ma-sah講beh chhōa伊去看人死。Ma-sah比伊大3歲,勝a叫伊大ê,凡是食薰、食酒、sńg查某空、作賊偷攏是Ma-sah教ê。

放帖2007.12.23

阮bân叔a以早tòa tī草地關廟hia,作人上蓋土直,一tō是一,bē曉khi-khiau計較。若是作sit上蓋gâu種綠竹á筍。普通時無啥teh出門,罕罕有來市內,攏會功夫kōaⁿ一籠筍á來相送,講:“無啥tah。Che家己ê tah。早起現割ê tah。”Hia ê gín-á有時會學伊講:“Bân叔tah,你che筍á tah,上蓋好食tah。”成實he筍á鮮koh tiⁿ-but,市內買無這款ê。

無情城市2007.12.09

Che 菜 刀 早 起 阿 環 有 磨 過 , 刀 嘴 有 利 。 烏 槍 ê 相 真 真 斬 落 去 , he指 頭 á 一 下 tō tok 斷去 , 齊 齊 一 節 落 tī土 腳 。He gín-á tō是嘴 hō͘ 人 用 布 chiⁿ leh , 哀 bē 出 聲 , 驚 kah 目睭 liap -- 起- 來 m̄ 敢 看。 總是 伊 ê 雙 手 hō͘ 人 用 索 á 捆leh ,pe̍k tī 椅 á koai bē tín 動 , kan-na會 曉 身 軀 phíh-phíh-chhoah 。雞 kui á kā 索 á tháu 開放 lēng去 , he手 骨ê血 才 流 過 來 手裡, 雄 雄 按 tok 無 去 ê 大 頭 姆 hia 作 一 下 bū出來 。

荔枝大出ê時陣2007.12.02

He捷運ê電車tú-chiah iⁿ-ò͘ⁿ iⁿ-ò͘ⁿ 駛離車站,月臺hit頭chhun伊一個人。起先無看著伊ê面,因為伊頭chhih-chhih,顧看土腳,概成teh chhōe啥物。M̄-kú he健美ê形體若吸石kā我吸leh,我變作一尾ia̍h-á hō͘大蕾芳味ê牡丹siâⁿ óa 去。

鳳凰起飛ê時陣2007.11.25

Tī 台 中 這 個 美 麗 ê 都 市 , 有 美 麗 ê 人 做 hō͘ 別人 歡 喜 ê 代 誌 , 尤 其 是 天 暗 了 後 , 五 彩 ê 燈 火 四 界 點 光起來 ,大 家就知影是唱歌歡喜ê時 陣 。

天使2007.11.18

雖然chēng 4、5年前伊tō無teh chhap代誌a,所有ê企業攏放hō͘ hit二個後生去hōaⁿ,m̄-kú tī伊身軀邊ê人,親像司機羊á攏猶稱呼伊董事長。Bē輸按呢叫,人才bē bē記得,這個王永來財團所有ê大企業攏是伊一個人空手拍拚起來ê,到taⁿ資產上無mā成千億。

2007.11.11

惱(ló͘)惱死m̄是伊本來ê名,m̄-kú按呢叫久了順嘴,soah變作親像是伊ê正名,比賽ê時mā是這款叫法,無人koh再叫伊正式ê英語名Dorothy。

面會2007.11.04

我想這回設使m̄是坐hiah暗班ê飛機,大概tō bē去遇著這件代誌。總是tī Vancouver等候轉機ê時,已經是半暝過後,規個機場空lòng -lòng,無幾個人客,khih-mo͘h-chhih有khah稀微。另外tō是hit時我已經真thiám ah,愛睏神tîⁿ leh,頭殼bē清楚,che難免也是一個緣故。

台灣製2007.10.21

M̄是poa̍h杯靠土地公保庇,
因為咱下決心拚意志,
贏!
四冬前用選票聲明,
頭一擺政黨和平輪替。
擔頭挺胸是咱ê Formosa,
刺毛蟲變彩ia̍h-á thí-si̍t,
台灣製ê民主奇蹟。

悲心2007.10.14

白頭毛ê仙童子講過ê hit幾句話,許月真相信,我是感覺chiâⁿ實古怪。不而過,chit-má kā想起來,若像自hia ê話以後,伊就hē一個決心teh等待。

美麗國家2007.10.07

咱ê國家
美麗台灣
太平海洋出炎日
蓬萊島嶼萬年芳
代代辛勞
人人拍拚
伊是咱祖先ê美夢

2007.09.30

天tú chiah拍phú光,in tō kā伊扛出門。因為有人講,查某gín-á ê身軀m̄通pha̍k著日頭光,所以頭到腳用白布包bā-bā,索á 捆三liàn。按呢人講神魂包tī hin內面,無走去,才會tàng行過去,hit chōa無名無字ê往生橋。

最後ê hioh腳2007.09.23

我規粒心所疼痛ê台灣a! 我ê青春攏總獻hō͘你。

太武山魂2007.09.16

Tī chia,全排灣散赤ê庄落,伊上蓋老,bē輸瑪家koh入去hit chōa禿頭ê舊山,老kah人bē記得伊ê名,攏叫伊“長老”niā -niā,古早番社時代tō按呢稱呼。無人知影確實幾歲,老一輩ê講,日本人森丑之助來北葉社訪問調查hit年,有hip著伊ê相。

生死2007.09.09

生ê奇蹟
用歡喜ê súi布包起來,
交hō͘母親;
神有吩咐,
m̄-thang kòng破,
bē-tàng koh換新ê。

Poa̍h kiáu出頭天2007.09.02

若是講起三斗ê過去,趣味事真chē,m̄-nā是王爺宮hia ê人bat伊bat kah有chhun,差不多規麻豆tō攏人人知影伊ê名。

祈禱2282007.08.26

三月a,
雨為啥物koh落?
街路染紅,
血色ê記念洗無清氣。

素花老師2007.08.19

陳素花老師退休hit年進前,tō有五年級學生ê家長來學校chhōe伊,也有真chē去in tau拜訪,請伊m̄通退休,koh再教一冬,等in kiáⁿ六年級畢業了才退休。素花老師tī成功國小教冊30冬a,大家攏講伊上gâu教,上關心學生,是台南市上蓋好ê導師。

會使拜拜2007.08.12

這個世界,
thâi人為著愛,
因為尊敬上帝,真愛A-lah,
tī街á,tī市á,tī大寺,
大人gín-á pōng hō͘碎碎。

為啥物háu a?霧社2007.07.29

湯銀花9歲hit年,生作kap伊老母9歲ê時仝款,sán-sán thiu-thiu,足gâu走pio。10月27日hit工,老母第一擺chhōa伊去社外hit個墓á埔,óa tī東旁ê山phiâⁿ,頭前一chōa lò-lò長淺行ê山谷,無發樹á,全是一人koân ê長草,一大片thàng去到山腳ê溪頭。攏總無幾個墓,mā無墓牌,kan-na óa內底hit個有一枝koân-koân直直,koh是烏石á磨金金刻ê。

阮二姊2007.07.15

若講人生有生tō有死,
死是上蓋自然ê代誌,
怎樣時到又koh m̄甘放你去?
心肝底針chǹg ui chha̍k,
chiah-nih痛,chiah-nih困難。

放送第四台2007.07.08

這個所在天暗tō清涼起來,雖然是簡單一個竹棚á搭ê,koh是tī庄尾,一邊óa大路,一邊óa田,m̄-kú近公路ê出口,過路車真chē。特別是有一粒大粒紅燈吊kē-kē作khang-páng,頂面大筆寫寫三字烏字「薑母鴨」。

看金字塔,我m̄免死2007.07.01

Ta̍k日生一粒日頭,
tī 沙漠kā 你ê金字塔鍍金,
你講:我是Khufu,我m̄免死, ah,你有國王ê kha-tu-sih。
m̄ -kú,行tī去死ê大路頂,
你kap乞食排仝一chōa。

學甲公2007.06.24

Tī台南縣散鄉ê鹽分地帶,kap佳里興相隔壁有一個小所在叫作學甲。以前以前,chia也是一個富裕ê鄉庄。Taⁿ現在,若是去到hia斟酌看,mā猶看會著一寡hiàng時好額人ê物件。

Formosa ê種子2007.06.17

Formosa ê種子為啥物?
風飛沙ká leh輕輕飛起,
作一睏來到寒帶ê北美,
落葉ê樹林,khàm雪ê土地,
無想著tī chia發一欉
m̄驚冷ê熱帶花蕾。

愷悅公主2007.06.10

陳雷
「一百萬!一百萬!一百萬!…」鳳a大聲hiu,雙手gia̍h koân概成teh hoah萬歲。「一百萬!一百萬!…」俊a tòe伊hán,kā鳳a規身軀mo͘h起來se̍h。俊a人細hiuⁿ,鳳a身肥thún,顛一下差一sut á siak倒。不過事實總數是99萬,算二擺a,kah無一百萬。Hoah一百萬加真爽tō是。

文旦柚ê故鄉2007.06.03

普通時á若有轉來,
鄭雅怡老師會kā你安排,
去北勢寮ê真理大學,
講一kóa台語文ê心適代。

生kiáⁿ發pōng2007.05.27

林美娘以前對龍無啥認識。有身了後,親身經驗,才知影龍ê厲害。本來田庄人顧三頓上要緊,ná有êng工去計較che有若無ê物件?嫁來張家了後,in張家tī台中有一間大厝,tī大雅有一個大墓。Che大厝kap大墓靠風水teh運轉,龍ê大誌就是按hia來。

一百個春天2007.05.20

Tī這個簡單ê教堂
今á日下晡
草á teh反青,樹oe teh puh-íⁿ
鳥á kiáⁿ teh叫啼
咱相kap吟詩
o-ló che第一百個
歡喜ê春天

白菜博士2007.05.13

陳桔這款人,青暝牛無讀冊,完全靠伊ê辛勞kap智慧,發明這種差不多十全ê白菜,ná有輸讀大冊ê大學生?所以tī台南縣農會菜類競賽,連續兩年冠軍兼一屆特別獎以後,人就尊稱伊作白菜博士,伊ê白菜叫作博士白菜

縱貫線ê相思2007.05.06

M̄是穿綠裙ê姑娘á teh ia̍t手
pha̍k日頭ê山phiâⁿ
有天才ê畫家
畫真chē青春ê相思樹

萬巒檳榔女2007.04.28

第一工我tō有注意著,這個新來ê西施,bē輸暗頭第一粒出世ê星光,會siâⁿ人oa̍t頭koh kā看一擺。伊頭鬃尾pa̍k翹翹,染kah紅hóaⁿ 紅hóaⁿ ,moa一領獻獻ê紗á,koân-koân坐tī玻璃櫥á內,裙té kah差不多無看見。我kan-na有看著he肉感、肉色ê腳腿。

Naruwan ê歌2007.04.22

Tī這間簡單ê神ê大厝,
朋友a,m̄免koh再探chhōe。
因為khiā-koân ê厝尾頂,
神用Naruwan ê歌宣示:
“Chhōe著a!Tī chia!”
“U-sa-pi-ma-an-…
U-sa-pi-su-la-…

飛車女2007.04.15

阿英出世hit日,風颱凱蒂掃過台灣南部,時速160公里。Hit暗in老母pak肚痛,teh beh生。In老pē出去chhōe產婆,可憐規個佳里作水,風颱雨息電,beh去tó chhōe人?

查甫人 ê 栗子2007.04.08

上帝作查甫人ê時,
hō͘伊三粒lān核,
二粒tī下面,
一粒tī內面若栗子(la̍t-chí)。
伊講,去,認真去生湠,
hō͘世界有真chē敬我ê人。

救鞭2007.04.01

邱董ê kap伊ê太太婚姻bē和,是幾年來公司內外攏知影ê代誌,大家做伙ê時開講ê材料。主要是討論in bē和ê原因,無人真知。所以講來講去,難免謠言種種,有人講是錢,有人講是年歲ê關係……。

2007.03.18

土腳ê綠色四季相仝,
山頂ê白雲一時一款,
心情好bái不管,
生成美麗免打扮,
故鄉有近近ê玉山。
玉山是迷戀ê愛人,
m̄是仙境眠夢。

母ôe Kiáⁿ ôe2007.03.11

講著生kiáⁿ這項代誌,古早人一 生十外個,chhìn-chhái飼chhìn-chhái大,m̄免操心計較。現代人生一個kiáⁿ,頭khah大天,按細漢換尿chū-á la̍k屎尿,到大漢讀冊、chhōa某生kiáⁿ,心神m̄知攏總用幾 tho͘-la-khuh。

咱ê土地,咱ê血,咱ê社會2007.03.04

阿姊,阿姊,恁看,
下面大海,hn̄g hn̄g是啥貨?
像一條番薯,長長e̍h e̍h,
浮tī水面,若一蕾玉蘭花。

獨裁者2007.02.25

五十年無夠額,

咱歡迎新ê獨裁者,
媒體是改裝ê警備司令部,
宣佈新世紀戒嚴令:
kan-na有講白賊ê言論自由,
bē使講台灣好。

亞力出頭天2007.02.18

伊khah愛人叫伊ê美國á名A-le-khu-suh(Alex),大家攏知影,所以攏按呢叫伊。有時無小心叫伊亞力,伊tō無歡喜,目睭gîn一下,tìⁿ無聽著無beh chhap人。

神bē bē記得2007.02.11

看起來是pē-á-kiáⁿ兄弟,
仝款散kah鬼beh拖去,
割nâ喉ê冤仇,
Ò͘目睭仁ê切恨,
Ùi tiâng-時開始?

阿春無罪2007.02.04

會記得我見過阿春前後攏總兩擺,到taⁿ事後回想起來,印象猶真清楚。

第一擺是hit日伊ê老母chhōa小弟來我阿叔ê診所,也無啥物特別ê急病。單單聽厝邊有人喊,診所有一位咱麻豆按加拿大轉來ê醫學博士,chhōa gín-á來bóng hō͘伊摸摸看看leh,bē輸是去廟裡拜佛祖按呢,保一個平安。

神bē記得2007.01.28

神造地球ê時,
有留A-hu-gan(阿富汗)ê沙漠
kap bē發草ê山,
hō͘ 21世紀ê戰鬥機
練習khian炸彈。

2007.01.21

講著這個『拍』,有大拍、小拍,有用chhôe-á拍、chhìn-chhái用手拍,有罕罕一時á拍,有三不五時拍,----種種無仝款ê拍法。若是阮厝邊hit個阿惠,大家攏知影,大拍小拍,不管時teh拍,tō是按呢真正食力lah。

感謝2007.01.14

Tī我離開人生ê宴會進前,
銀河ê星粒已經滿滿是,
吊tī鬧熱ê大廳頂面lia̍p-lia̍p-sih,
無êng ê人客出出入入。

老伴2007.01.07

咱這個可愛ê台北市,三月底起,天tō ta̍uh-ta̍uh-á烏陰,雨也mn̂g-mn̂g-á落,四kho͘圍ê山崙koân-koân kē-kē,不時tah霧。Tō是這日,八里hit頭ê觀音山也認bē出來,霧khàm來到半山ê墓á埔,看bē著觀音ê面。

萬巒檳榔女2006.12.31

恁kā我號真súi ê名
叫我穿真té ê裙,現領(hiàn-niá)ê衫,
hō͘我踏koân屐坐koân椅,
講按呢才bē遮著,
我二枝肉感ê大腿。

赤查某2006.12.24

咱現代社會文明發達,生活緊張,致使到時常有人會有神經衰弱ê症頭。Che我作醫生30外冬a,差不多ta̍k日攏會遇著。Kan-na看病人ê面色表情,m̄免問tō差不多會tàng斷定。親像這個曾小姐這日家己一個tī hia,坐也坐bē tiâu,khiā也khiā bē好勢,一枝薰直直pok。看起來30外外a,嘴á pok-pok,一個面niau-niau-phok-phok,若pó͘去ê柚á皮,生成tō m̄是súi 噹噹ê仙女,又koh憂頭結面,規身軀穿烏ê,bē輸in tau teh出山辦喪事。我一看tō知影是這個症頭。

咱人ê秋天2006.12.17

人teh老進前,
心神上蓋勇健,
你看,tú-chiah六十,
一半ê頭毛已經白閃閃。

無彩hiah gâu2006.12.10

咱人大部份ùi生到死渺渺茫茫,一生過beh了a也無啥物通好kā人展風神ê成就。不過有時罕罕a也會無張持遇著「一生偉大ê時刻」,親像Niu-tong(Newton)頭殼hō͘蘋果kòng著,親像Ah-khi-mih-to͘h(Archimedes)洗身軀hō͘水淹著,雄雄得著一個一世人瞬間ê靈感啟示,ùi hia致使到偉大ê發明,貢獻人類,hō͘後來ê人o-ló數念感謝伊。

阮chia ê秋天2006.12.03

寒人beh來進前,
秋天上蓋光iāⁿ,
你看,猶未冷氣,
規山ê楓(pn̄g)á已經換衫。

暗殺者2006.11.26

阿明半暝轉來到厝,老母猶未睏teh等伊,入門tō問:“敢有影?美國á kap咱斷交”“有影lah,新聞teh報。”“是按怎beh kap咱斷?”阿明無想著老母thàn食人賣蚵te,也會問這款kap美國á外交ê問題,chhìn-chhái tō應:“Khi-mo͘-chih bái tō斷。”“Ah有要緊無?”這日有人客買蚵te,kā伊tâu:“Taⁿ台灣知慘a。”所以這暗蔥命猶m̄睏,專工等阿明轉來,beh問伊有要緊無。

讚美2006.11.19

假使hō͘我有一個機會,
ùi死亡ê山頂看生ê風景,
tī時間teh流ê大海頂面,
神ê日頭光照著,
算bē了閃sih ê目nih。

作罪lah2006.11.12

無想著昨暗雨落hiah大,像teh piàⁿ面桶水,相連續落幾nā點鐘。透早天soah清起來,雲也無a。雄雄雨攏停去,大路洗kah金金,上好tō是這條大溝,pùn-sò châng kah清氣清氣,chhun幾位積溝á土ê所在,因為已經有發長草,無hō͘水châng去。落大雨了tō是按呢,連大溝ê臭味mā無去。

駛船2006.11.05

人生是一隻出帆ê小船,
tī世事ê大海行m̄知ê水路,
載感情ê重貨駛起落ê波浪,
好天pháiⁿ天,出日落雨。

起停盤2006.10.29

「我永遠tī你ê身邊,你笑我tòe你笑。你háu我kā你拭目屎,…咱仝一條性命,我是刺毛虫,你是刺毛虫變出來ê iâ-á,我永遠kap你分bē開…」茵蕙手裡the̍h hit張批紙,ná讀目屎ná tho̍p-tho̍p-滴,紙滴tâm去,字tō霧去。

掠夢2006.10.22

昨暗收著你寄來ê夢
無話ê嘴chûn有笑神ê祕密
烏金ê頭毛抹玉蘭花芳

黃啟ê結劇2006.10.15

大家攏niauh-niauh等,等伊目睭thí金koh看一下。已經成禮拜a,tō是kan-na睏bē醒m̄知人。有一回若像有精神過來,看in罔a,看勝a、宏a、娟a…,liâm-mi tō koh睏去。醫生講,大概無望a,che大家攏知影。

2006.10.08

古早阮按chia過,
攏叫你ê名濁水溪,
水濁濁,水真chē,
魚mā真chē。

阿bái2006.10.01

清美出世ê時,伊ê老父看伊一眼,oat leh作伊出去,tī廟口kap人lim茶開講,暗暗才轉來,無koh講半句話。伊ê老母hit年45 a,kā嬰á áⁿ leh,ná看ná念:“Thài chiah bái lah ?”m̄知teh笑抑是teh khàu。

母語ê愛情2006.09.24

你會使拍我ê皮,
你會使cheng我ê肉,
但是我語言ê權利,
bē使hō͘你來剝奪。

人生592006.09.17

Tī台中市,差不多大家攏知影,姓賴ê in是三代ê大好額人,自in an公賴鐵起,tō是gâu看厝瞻(chiam)地,chit-má聽講市內四界kan-na有店面ê樓á 厝上無也有3、40間,菜市á 對面hit chōa,規排攏in ê。

舊事2006.09.10

過去ê代誌ná會koh轉來?
咱第一擺橋頂相遇ê所在。
若像生分若熟悉,
為啥雨中teh等待?

失樂園2006.09.03

真chē tī台灣ê中國人為著日本兵ê慰安婦道德上大憤慨。Hō͘我想起我作兵ê時,軍中有真chē這款失落ê「樂園」。這篇是我ê報告。

苦痛ê三月天2006.08.27

苦痛ê 228,
花蕾滿山邊,
bak血ê溪水流去海kîⁿ,
屠殺ê草埔無聲五十年,
魔鬼ê腳號印tī土裡;
ta去ê骨頭,冷去ê血跡,
侮辱ê身屍,
用燒lō ê目屎洗bē清氣。

高山玲子2006.08.20

高山玲子過身ê時,身軀消pó͘,kiu kah chhun 142公分,體重36公斤。棺材店ê頭家看看leh,kā伊ê後生講:「咱大人ê無作chiah細ê。用gín-á ê tō會使。」In後生因為社會上外觀ê關係,pháiⁿ勢用gín-á ê,mā是買大幅ê棺材來kā伊安葬。

一代過了koh一代2006.08.13

一代過了koh一代,
春天過了熱天來,
人講chia是好所在,
玉蘭開花免人栽。

心戰2006.08.06

Tī hit年,che算是一件稀罕困難ê病例。所以手術成功了後,電視、新聞報真chē,o-ló伊是台灣上gâu ê心臟外科專家,mā是國際一流ê權威。

台灣ê khih-mo͘-chih2006.07.30

番薯moâi,蚵á煎,擔á麵,
人講che是台灣物,
khah試to欠一味,滋味走精去。
ah,為啥物?為啥物?
In講“歡迎光臨”,
這句咱聽bē入耳。

The Unspeakable2006.07.23

Hit暗我ê老父he-ku喘又koh大giâ起來,今年這個5月算起來已經3擺a,這回上蓋厲害。He khùi bē輸拍鐵á灌風tâng hī-hū叫,面一直烏綠去。我ê老母聽著伊喘,青狂tō罵:“你這個薰koh m̄改,he-ku giâ起來,攏mài chhap你,放顧在你去hê!” Taⁿ這句話m̄知已經講幾遍lah,mā是講未了tō叫我緊去叫先生。

母親2006.07.16

世間第一親
tō是咱母親
有話免出嘴
知影咱心意

琴聲Siu-be-to͘h (Schubert)2006.07.09

若是少年老師瑞英,音樂是人生上大ê安慰kap歡喜,生命ê泉水。Che是伊ê天份,生時kah來ê,或者mā會使講是伊ê束縛。細漢ê時,tī學校聽老師彈琴,看kah無人教家己會曉彈。老師疼惜伊ê天份,免費kā教,mā hō͘伊上台表演,去kā伊ê老母講,這個gín-á大漢ài作演奏家。

記池2006.07.02

若是你會記,
請你kā我講起,
全世界ê歡喜,
bē輸五彩西照日。

食老按呢想2006.06.25

今á日in大舅,hit個樹頭a,又koh來ah。一chōa路hiah-nih hn̄g按屏東來,講好聽是來看我,事實是beh來看土地,伊kap in攏鬥空好勢ah,chit-má是仝黨ê。

綠川mā有白鴒鷥2006.06.18

綠川mā有白鴒鷥,
透早來tī橋腳kîⁿ,
孤單一隻khiā直直,
恬恬看咱綠川水。

圖書館ê秘密2006.06.11

市內這間舊圖書館雖然細細間,m̄-kú外觀非常完整美麗,是日本時代hit種西洋式二層ê建築。厝殼一部份是白石起ê,一部份是豬血hit色ê紅磚á thia̍p起來ê,前門有一個小小ê石梯,四、五層真古錐,我上kah意。

金山頂2006.06.04

近近是台灣ê雲,
Á是加拿大ê雪;
金山ê山頂
炎日叫大海ia̍t風,
青天欠別色上súi;
草木四界攏開花,
山路細條無人客;
已經一切無聲也無說,
免koh畏kôaⁿ驚霜雪。

Kéng婚2006.05.28

高友通校長ê三個查某kiáⁿ tō是大漢ê碧玉生作上súi,身材koân koh lò,皮肉白koh幼,看起來秀氣koh高尚,bē輸美國電影名星Grace Kelly。讀台大護理系ê時,少年家á 不時tòe一大陣tī kha-chhng尾,hō͘伊ê老母操心。

永遠ê故鄉2006.05.21

br>
看著是茫茫ê海水,思念是遠遠ê故鄉,
三十年飛鳥teh流浪,故鄉,我ê故鄉。
鼻著是芳芳ê花味,風吹是靜靜ê故鄉,
一、二欉蓮霧teh開花,故鄉,我ê故鄉。

草地chhōe牛2006.05.14

學生gín-á時代見若轉去草地chhit-thô,第一就是去chhōe牛。Hit時阮二人親像我ê阿嬸講ê:「做伙就bē輸索á拍結分bē開。」我ê阿嬸對我kap牛做伙自起頭就無啥熱心ê反應,時常當我ê面念:「牛m̄愛讀冊」,驚我hō͘伊影響thōa pháiⁿ去。但是我hit時一直感覺著,che是in大人無公平ê偏見,對牛無瞭解ê關係。

2006.05.07

昨暝作夢回故鄉,
老母病tī眠床中;
少年m̄知青春貴,
輕言一別三十年。

出國這項代誌2006.04.30

二十四年前,beh出國hit年ê熱人,我按台北轉去台南,去kā親chiâⁿ朋友相辭,最後hit日,去看阿媽ê墓。我想tio̍h阿媽以前上愛食甘苦伯a ê粽,所以透早就去上帝廟,beh去買粽,the̍h去看阿媽ê墓。

有人問你為啥物2006.04.23

有人問你為啥物,
家庭朋友來相辭?
因為故鄉有苦難,
離開已經三十年。

歸仁阿媽2006.04.16

阮歸仁阿媽kap阮老父相像,作人無性無地,不時一個面笑嘻嘻,有話一句一句liâu-liâu-á講,輕聲細說,m̄-bat看伊大嚷受氣過。

思念雨2006.04.09

細雨sap sap落,
Kui暝睏bē落;
輕聲叫阿娘,
阿娘你tī toh ?

凱西講牛2006.04.02

這細漢gín-á按我上車hit時tō teh háu,m̄-kú車內kan-na chhun伊隔壁上尾這位。Kā看,he少年阿母teh kā io,koh是市內摩登小姐抹芳水hit款ê打扮,我tō tī伊ê邊a坐落來。

Tī he遠遠ê所在2006.03.26

Tī he遠遠ê所在,咱ê故鄉teh等待;
親像母親有病痛,khǹg tī心內無人知。

Ba-suh頂ê革命2006.03.19

我beh坐統聯ê ba-suh去台南hit早起,我ê丈姆真無放心,幾nā擺吩咐我:「M̄通坐頭前」。我hit時m̄知伊ê意思,也無問清楚。想講大概頭前khah吵ê關係。

M̄驚風來m̄驚雨2006.03.12

M̄驚風來m̄驚雨,
m̄驚烏雲遮tio̍h路;
手gia̍h鋤頭擔畚箕,
giâ頭thǹg theh走大步。

大頭兵黃明良2006.03.05

相命ê算算leh,pok一枝薰,kā切a ê老母講,舊曆五月初七是大好日子,的確親chiâⁿ會百年久長,明年就生後生。

所以五月初七切a嫁出去hit日,伊ê老母特別歡喜,規個西庄ê人lóng 知影了了。透早陳早伯ê厝頭前就圍一大堆gín-á beh看新娘。

我是一個台灣人2006.02.26

我是一個台灣人,蓬萊寶島真siàu念;
稻á甘蔗芎蕉園,龍眼白柚旺梨山;
若是水流曾文溪,釣魚摸螺攏會tàng。

美麗ê樟腦林2006.02.19

Hit個烏肥ê阿澤是研究森林ê人。台大畢業作兵了,hō͘人派去阿里山森林管理實驗場作管理員。伊人tiau直,kap人koh好作伙,lak袋á若有幾kho͘銀,tō招人去食kap lim,開了了。Hit個樟腦林管理組ê下底,有五、六個退伍兵老芋á,伊mā常常請in去食。特別是hit個白ê,食了知滋味,看伊領錢ê日tō來招伊,若像是伊ê好兄弟。看tio̍h伊,tō笑hi hi;肩胛頭kā搭leh,叫伊「老郭」。